గోదావరి రివర్ ఫ్రంట్ పనులు పరిశీలన

నేటి దినపత్రిక సూర్య బ్యూరో రాజమహేంద్రవరం 

గోదావరి ఘాట్‌లో రూపుదిద్దుకుంటున్న రివర్ ఫ్రంట్ అభివృద్ధి పనులను సిటీ ఎమ్మెల్యే ఆదిరెడ్డి శ్రీనివాస్

నగరపాలక సంస్థ కమిషనర్ రాహుల్ మీనా తో కలిసి మంగళవారం పరిశీలించారు. ఈ సందర్భంగా పనుల పురోగతిపై సంబంధిత అధికారులు, కాంట్రాక్టర్లను వివరాలు అడిగి తెలుసుకున్నారు. రివర్ ఫ్రంట్ ఆధునీకరణ పనులను సాధ్యమైనంత త్వరగా పూర్తి చేసి నగర ప్రజలకు అందుబాటులోకి తీసుకురావాలని ఎమ్మెల్యే వాసు సూచించారు. పనుల నాణ్యత విషయంలో ఎలాంటి రాజీ పడకుండా, నిర్దేశిత ప్రమాణాల ప్రకారం పనులు చేపట్టాలని స్పష్టం చేశారు. పనుల్లో జాప్యం జరగకుండా అధికారులు నిరంతరం పర్యవేక్షించాలని ఆదేశించారు. గోదావరి ఘాట్‌ను మరింత సుందరంగా తీర్చిదిద్దడం ద్వారా రాజమహేంద్రవరం నగరానికి కొత్త శోభ తీసుకురావడంతో పాటు ప్రజలకు ఆహ్లాదకరమైన వాతావరణాన్ని అందించవచ్చని పేర్కొన్నారు. రివర్ ఫ్రంట్ అభివృద్ధి పూర్తయితే గోదావరి అందాలను ఆస్వాదించేందుకు నగరవాసులకు మెరుగైన అవకాశం లభించడంతో పాటు, పర్యాటకులను ఆకర్షించేందుకు దోహదపడుతుందని తెలిపారు. నగర సుందరీకరణకు, పర్యాటక అభివృద్ధికి ప్రాధాన్యతనిస్తూ చేపడుతున్న ఈ పనులను అధికారులు, కాంట్రాక్టర్లు సమన్వయంతో ముందుకు తీసుకెళ్లాలని ఎమ్మెల్యే ఆదిరెడ్డి శ్రీనివాస్  సూచించారు. అభివృద్ధి పనులను త్వరితగతిన పూర్తి చేసి ప్రజలకు అందుబాటులోకి తీసుకురావడమే లక్ష్యంగా పనిచేయాలని పేర్కొన్నారు.