యాదాద్రి ట్రస్ట్ బోర్డు సభ్యుడి వివాదాస్పద వ్యాఖ్యలు

- 'గాలి వార్తలు' అంటూ జర్నలిస్టులను అవమానించిన గుండా మల్లయ్య 
 
యాదగిరిగుట్ట :దగిరిగుట్ట శ్రీ లక్ష్మీ నరసింహస్వామి వారి దేవస్ధాన ధర్మకర్తల మండలి సమావేశం మంగళవారం పట్టణంలోని ప్రెసిడెన్షియల్ సూట్ లో జరిగింది. అనంతరం జరిగిన విలేకరుల‌ సమావేశంలో ధర్మకర్తల మండలి సమావేశంలో చర్చించిన అంశాల గురించి చైర్మన్ వివరించారు. ఈ సందర్భంగా గత నెల దేవస్ధాన అభివృద్ధి కోసం విరాళాల సేకరణ పేరుతో కరపత్రం సోషల్ మీడియాలో వైరల్ అయిన విషయం గురించి విలేకరులు ప్రస్తావించగా బోర్డు సభ్యుడు అయినటువంటి గుండా మల్లయ్య గుప్తా గాలి వార్తలు, గాలి మాటలు మాట్లాడవద్దంటూ విలేకరులను కించపరుస్తూ వివాదాస్పద వ్యాఖ్యలు చేశారు. వెంటనే విలేకరులంతా లేచి ట్రస్టు బోర్డు సభ్యుడై ఉండి మీడియాలో వచ్చిన వార్తల గురించి ప్రశ్నిస్తే ప్రశ్నించిన వారిని కించపరచడం సరికాదని నిరసన తెలిపారు. అదే సమయంలో బోర్డు చైర్మన్ సత్యనారాయణ రెడ్డి కలగజేసుకొని విలేకరులకు సర్దిచెప్పడంతో వివాదం సద్దుమణిగింది.