ప్రజా సమస్యల పరిష్కారానికి ప్రత్యేక వేదిక కలెక్టరేట్‌లో అర్జీలు స్వీకరించిన కలెక్టర్ ఓ. ఆనంద్‌ ప్రజా సమస్యల పరిష్కార వేదికతో పాటు రెవెన్యూ క్లినిక్‌ నిర్వహణ
అనంతపురం బ్యూరో : ప్రజల సమస్యలను పరిష్కరించేందుకు అనంతపురం కలెక్టరేట్‌లో సోమవారం ప్రజా సమస్యల పరిష్కార వేదిక (పీజీఆర్‌ఎస్‌), రెవెన్యూ క్లినిక్‌ కార్యక్రమాలను నిర్వహించారు. జిల్లాలోని వివిధ మండలాల నుంచి తమ సమస్యలను పరిష్కరించుకోవాలనే ఆశతో వచ్చిన అర్జీదారుల నుంచి జిల్లా కలెక్టర్ ఓ. ఆనంద్‌ అర్జీలను స్వీకరించారు.
కలెక్టరేట్‌లోని రెవెన్యూ భవనంలో నిర్వహించిన ఈ కార్యక్రమంలో భూ, రెవెన్యూ తదితర సమస్యలతో పాటు వివిధ అంశాలపై అర్జీదారులు తమ వినతులను అధికారులకు అందజేశారు. ప్రజలు సమర్పించిన అర్జీలను స్వీకరించి, వాటి పరిష్కారానికి సంబంధిత శాఖల అధికారులు చర్యలు తీసుకునేలా ఈ వేదికను నిర్వహించారు.
ఈ కార్యక్రమంలో జిల్లా కలెక్టర్‌తో పాటు జాయింట్‌ కలెక్టర్ సి. విష్ణుచరణ్‌, జిల్లా రెవెన్యూ అధికారి ఏ. మలోల, స్పెషల్‌ డిప్యూటీ కలెక్టర్లు ఆనంద్‌, రామ్మోహన్‌, వెంకట నారాయణ, రమేష్‌రెడ్డి, కిరణ్మయి, వివిధ శాఖల జిల్లా అధికారులు పాల్గొన్నారు.
రిపోర్టర్ : మొయినుద్దీన్, అనంతపురం బ్యూరో, అనంతపురం.
