పిల్లలను చెరువులు, కాలువల వద్దకు వెళ్ళనివ్వద్దు - MRO విజ్ఞప్తి

దసరా సెలవులు నేపద్యంలో పిల్లలను చెరువులు, కాలువలు, సముద్రాలు మరియు నీటి వనరుల వద్దకు వెళ్లనివ్వొద్దని అద్దంకి తహసిల్దార్ శ్రీ చరణ్ తెలిపారు. అలాంటి ప్రదేశాలకు వెళ్లి ప్రమాదాల బారిన పడి మరణిస్తున్న ఘటనలు జరుగుతున్నాయని, దీనిపై ప్రతి ఒక్కరూ అప్రమత్తంగా ఉండాలని తెలిపారు. ఈ విషయంపై జిల్లాకలెక్టర్  కూడా కఠిన ఆదేశాలు జారీ చేశారని ఆయన పేర్కొన్నారు. తల్లిదండ్రులు తమ పిల్లను చెరువులు, కాలువల వద్దకు వెళ్లకుండా మరియు ఈతకు వెళ్లకుండా ఎల్లప్పుడూ కంటికి రెప్పలా కాపలాగా ఉండాలని సూచించారు. ముఖ్యంగా చెరువులు, కాలువల వద్ద డేంజర్ బోర్డులను ఏర్పాటు చేసి తగిన చర్యలు తీసుకోవాలని రెవెన్యూ, పంచాయతీ అధికారులను ఆదేశించినట్లు ఆయన తెలిపారు. ఈ విషయంలో అధికారులు, తల్లిదండ్రులు ప్రత్యేక శ్రద్ధ వహించి ఎలాంటి ప్రాణనష్టం జరగకుండా తగిన జాగ్రత్తలు తీసుకోవాలని MRO విజ్ఞప్తి చేశారు.