డీఎస్ ఆశయాలు కొనసాగిస్తాం... ఎంపీ ధర్మపురి అరవింద్

సూర్య నిజామాబాద్ జిల్లా ప్రతినిధి:మాజీ మంత్రి, మాజీ పిసిసి అధ్యక్షులు, దివంగత డి. శ్రీనివాస్ జయంతి వేడుకలు ఘనంగా నిర్వహించారు. ఆదివారం కంఠేశ్వర్ బైపాస్ చౌరస్తా వద్ద గల డీఎస్ విగ్రహానికి నిజామాబాద్ పార్లమెంట్ సభ్యులు అర్వింద్ ధర్మపురి పూలమాలవేసి నివాళులర్పించారు.ఈ సందర్భంగా ఎంపీ మాట్లాడుతూ... ఉమ్మడి రాష్ట్రం లో డీఎస్ అభివృద్ధి విషయంలో ఐకాన్ గా ఉన్నారన్నారు. నిజామాబాద్ జిల్లాలో ఆయన చేసిన డెవలప్మెంట్ ఫలాలు ప్రజల అనుభవిస్తున్నారు అని గుర్తు చేసారు. డీఎస్ ఆశయాలు కొనసాగిస్తామని అన్నారు.ఈ కార్యాక్రమంలో అర్బన్ ఎమ్మెల్యే దన్ పాల్ సూర్య నారాయణ,బీజేపీ జిల్లా అధ్యక్షులు దినేష్ కులాచారి,జాతీయ పసుపు బోర్డు అధ్యక్షులు పల్లె గంగారెడ్డి, కార్పొరేటర్లు, నాయకులు కార్యకర్తలు పాల్గొన్నారు.