శ్రీ ప్రకాశం మున్సిపల్ హైస్కూల్లో చిత్రలేఖనం, వక్తృత్వ పోటీలు
అనంతపురం బ్యూరో
శ్రీ ప్రకాశం మున్సిపల్ హైస్కూల్లో చిత్రలేఖనం, వక్తృత్వ పోటీలు
తాడిపత్రి: సేవా సంకల్ప అభియాన్లో భాగంగా శ్రీ ప్రకాశం మున్సిపల్ హైస్కూల్లో చిత్రలేఖనం, వక్తృత్వ పోటీలు నిర్వహించారు. ప్రిన్సిపల్ సుధాకర్, ఎంఈఓ నాగరాజు ఆధ్వర్యంలో జరిగిన ఈ కార్యక్రమానికి బీజేపీ రాష్ట్ర లీగల్ సెల్ కన్వీనర్, అడ్వకేట్ పీవీ ప్రతాపరెడ్డి, రాష్ట్ర ప్రత్యేక ఆహ్వాన కమిటీ సభ్యుడు జంగం రెడ్డి అంకల్ రెడ్డి ముఖ్య అతిథులుగా హాజరయ్యారు.
ఈ సందర్భంగా వారు మాట్లాడుతూ విద్యార్థులు తల్లిదండ్రులు, గురువులు, సమాజాన్ని గౌరవిస్తూ బాధ్యతాయుత పౌరులుగా ఎదగాలని సూచించారు. దేశాభివృద్ధిలో యువత కీలక పాత్ర పోషించాలని ఆకాంక్షించారు. అనంతరం పోటీల్లో ప్రతిభ కనబరిచిన విద్యార్థులకు బహుమతులు అందజేశారు.
కార్యక్రమంలో బీజేపీ జిల్లా ప్రధాన కార్యదర్శి మైదుకూరు ఆంజనేయులు, జిల్లా అధికార ప్రతినిధి చవ్వ రంగనాథ్రెడ్డి, పట్టణ అధ్యక్షుడు చెన్న రంగనాయకులు, బీజేపీ నాయకులు, ఉపాధ్యాయులు పాల్గొన్నారు.
