నరసాపురం–విశాఖ డైలీ ఎక్స్ప్రెస్ను పునరుద్ధరించాలి
నరసాపురం–విశాఖ డైలీ ఎక్స్ప్రెస్ను పునరుద్ధరించాలి
భీమవరం, మేజర్ న్యూస్: నరసాపురం నుంచి విశాఖపట్నానికి డైలీ ఎక్స్ప్రెస్ రైలును పునరుద్ధరించాలని కోరుతూ కేంద్ర మంత్రి భూపతిరాజు శ్రీనివాస వర్మకు వినతిపత్రం అందజేశారు. మంగళవారం భీమవరంలోని ఎంపీ క్యాంపు కార్యాలయంలో రైల్వే ప్రయాణికుల సమస్యలను వివరిస్తూ మెమొరాండం సమర్పించారు.నరసాపురం, పాలకొల్లు, కోనసీమ ప్రాంతాల ప్రజలు విశాఖకు వెళ్లేందుకు నేరుగా డైలీ రైలు లేక ఇబ్బందులు పడుతున్నారని తెలిపారు. ముఖ్యంగా వైద్య చికిత్స కోసం విశాఖలోని కేజీహెచ్, సూపర్ స్పెషాలిటీ ఆసుపత్రులకు వెళ్లే రోగులు, విద్యార్థులు, వ్యాపారులు, ఆక్వా రైతులు, ఉద్యోగులకు ఈ రైలు ఎంతో ఉపయోగకరంగా ఉంటుందని పేర్కొన్నారు.అలాగే భోగాపురం విమానాశ్రయం, అంతర్వేది, పాలకొల్లు క్షీరారామం, ద్రాక్షారామం, అన్నవరం, సింహాచలం, అరకు తదితర పర్యాటక, పుణ్యక్షేత్రాలకు రైలు అనుసంధానం కల్పించడం ద్వారా టూరిజం అభివృద్ధికి, రైల్వే ఆదాయం పెంపునకు దోహదపడుతుందని తెలిపారు. రైలును తక్షణమే డైలీ సర్వీసుగా పునరుద్ధరించాలని కోరారు.కార్యక్రమంలో సౌత్ కోస్ట్ రైల్వే డీఆర్యూసీసీ సభ్యుడు జక్కంపూడి కుమార్, కొల్లికొండ ప్రసాద్, కాశీరాజు, నాగరాజు, చిన్నబాబు, చాంబర్ ఆఫ్ కామర్స్ ప్రతినిధులు పాల్గొన్నారు.
శ్రీనివాస్ భీమవరం
