ఐసీఎస్ఎస్ఆర్ సీనియర్ ఫెలోషిప్కు డా. గోపే ఎంపిక జంగారెడ్డిగూడెం
ఐసీఎస్ఎస్ఆర్ సీనియర్ ఫెలోషిప్కు డా. గోపే ఎంపిక
జంగారెడ్డిగూడెం-మేజర్ న్యూస్
జంగారెడ్డిగూడెం మండలం తిరుమలాపురం గ్రామానికి చెందిన రాజకీయ శాస్త్ర పరిశోధకుడు డా. గోపే నాగసుబ్బారావు ఐసీఎస్ఎస్ఆర్ సీనియర్ ఫెలోషిప్ 2026–27కు ఎంపికయ్యారు. భారత ప్రభుత్వ విద్యా మంత్రిత్వ శాఖ పరిధిలోని భారతీయ సామాజిక శాస్త్ర పరిశోధనా మండలి ఈ ఫెలోషిప్ను ప్రకటించింది.ఫెలోషిప్లో భాగంగా ‘భారత రాజకీయాల్లో మహిళా కేబినెట్ మంత్రులు (1952–2026): రాజకీయ నాయకత్వం, విధాన రూపకల్పన, దేశ నిర్మాణానికి వారి సహకారం’ అనే అంశంపై ఆయన పరిశోధన చేయనున్నారు. మహిళా మంత్రుల రాజకీయ నాయకత్వం, నిర్ణయాధికారం, పరిపాలనా బాధ్యతలు, విధాన రూపకల్పనలో వారి పాత్రను అధ్యయనం చేయనున్నారు.డా. గోపే హైదరాబాద్ విశ్వవిద్యాలయం నుంచి రాజకీయ శాస్త్రంలో పీహెచ్డీ పూర్తి చేశారు. మహిళలు–రాజకీయాలు, ప్రజా విధానం, ప్రజాస్వామ్యం, మానవ హక్కులు, సామాజిక న్యాయం తదితర అంశాల్లో పరిశోధన అనుభవం ఉంది. గతంలో ఐసీఎస్ఎస్ఆర్ పోస్ట్ డాక్టోరల్ ఫెలోషిప్ కూడా పొందారు. తాజా ఎంపికపై పలువురు అభినందనలు తెలిపారు.
కె.వి రమణారావు జంగారెడ్డిగూడెం
