*పరికరాల పంపిణీ జోరు..!*

 దివ్యాంగుల సాధికారతకు ప్రభుత్వం చర్యలు ముమ్మరం చేసింది. జిల్లాలో దివ్యాంగులకు అవసరమైన సహాయక పరికరాలను పంపిణీ చేశారు. జిల్లా కలెక్టర్ సి. నారాయణ రెడ్డి, అదనపు కలెక్టర్ కిరణ్ మై చేతుల మీదుగా ALIMCO సహకారంతో హ్యాండ్ స్టిక్స్ సహా పరికరాలు అందజేశారు. వీటితో దివ్యాంగులు స్వయం ఆధారితంగా జీవనం సాగించగలరని అధికారులు తెలిపారు.

ఇక వృద్ధుల వారోత్సవం సందర్భంగా వనస్థలిపురం పోలీస్ స్టేషన్‌లో ప్రత్యేక అవగాహన కార్యక్రమం నిర్వహించారు. వృద్ధుల భద్రత, హక్కులు, సంక్షేమంపై జిల్లా సంక్షేమ అధికారి శాంతి శ్రీ వివరించారు. వృద్ధుల పట్ల కుటుంబ సభ్యులు గౌరవంతో వ్యవహరించాలని సూచించారు.

*సైబర్ మోసాలపై అప్రమత్తం కావాలి*  
సర్కిల్ ఇన్‌స్పెక్టర్ రవి బాబు మాట్లాడుతూ సైబర్ నేరగాళ్లు వృద్ధులను లక్ష్యంగా చేసుకుంటున్నారని హెచ్చరించారు. అనుమానాస్పద కాల్స్, లింకులు, మెసేజ్‌లను నమ్మవద్దని సూచించారు. OTP, బ్యాంకు వివరాలు ఎట్టి పరిస్థితుల్లోనూ పంచుకోవద్దని స్పష్టం చేశారు. మోసానికి గురైతే వెంటనే ఫిర్యాదు చేయాలని సూచించారు.

*వృద్ధుల రక్షణ సమాజ బాధ్యత*
వృద్ధులపై నిర్లక్ష్యం, వేధింపులు ఎదురైతే వెంటనే అధికారులను ఆశ్రయించాలని తెలిపారు. వృద్ధులకు గౌరవప్రదమైన, సురక్షితమైన వాతావరణం కల్పించడం ప్రతి ఒక్కరి బాధ్యత అని అధికారులు పేర్కొన్నారు. ఈ కార్యక్రమంలో TASCA సభ్యులు, పోలీస్ సిబ్బంది, ఇతర అధికారులు పాల్గొన్నారు.

బి శ్రీనివాసచారి : మేజర్ న్యూస్, రంగారెడ్డి.