గ్రామీణాభివృది పనుల పై ప్రత్యేక దృష్టి సారించాలి. మండలాల్లో అభివృద్ధి పనులు వేగవంతం చేయాలి --జిల్లా కలెక్టరు విజయ కిృష్ణన్

అనకాపల్లి ప్రతినిధి, సెప్టెంబరు28, :  జిల్లాలో అన్ని మండలాల్లో అభివృద్ధి కార్యక్రమాలను వేగవంతంగా పూర్తి చేసి ప్రజలకు మెరుగైన మౌలిక సదుపాయాలు అందించేలా సమన్వయంతో అధికారులు పనిచేయాలని,  జిల్లా కలెక్టర్ విజయ కృష్ణన్ ఆదేశించారు. సోమవారం సాయంత్రం జిల్లా కలెక్టరేట్ నుంచి మండల అభివృద్ధి అధికారులు, ఉప మండల అభివృద్ధి అధికారులు, గ్రామీణ నీటి సరఫరా శాఖ,  అగ్రికల్చర్, విద్యుత్ శాఖ, డి ఆర్ డి ఎ, డిపిఓ, ఇరిగేషన్ అధికారులతో  జిల్లా కలెక్టర్ వీడియో కాన్ఫరెన్స్ నిర్వహించారు.ఈ సందర్భంగా  మండలాల వారీగా జరుగుతున్న అభివృద్ధి పనుల పురోగతి, తాగునీటి సరఫరా, విద్యుత్ సౌకర్యాల నిర్వహణ, గ్రామాల్లో చేపడుతున్న పారిశుద్ధ్యం, మౌలిక వసతుల కల్పన, ప్రభుత్వ పథకాల అమలు తదితర అంశాలపై జిల్లా కలెక్టర్ విజయ కృష్ణన్  సమీక్ష నిర్వహించారు.
ఈ సందర్భంగా జిల్లా కలెక్టర్ మాట్లాడుతూ, మండల అధికారులు రేపు (మంగళవారం)పి.జి.ఆర్.ఎస్  వినతుల పరిష్కారానికి క్షేత్రస్థాయి సందర్శన చేయాలన్నారు. అధికారులందరూ తప్పనిసరిగా క్షేత్రస్థాయిలో అందుబాటులో ఉండాలి.  వ్యవసాయ రంగానికి సంబంధించి ఏవో, నీటిపారుదల రంగానికి ఏ ఈ AE, పారిశుధ్యానికి  డిప్యూటీ ఎంపీడీవో, తాగునీటి విభాగానికి  ఏఈ బాధ్యత వహించాలని స్పష్టం చేశారు. ఈరోజు పి జి ఆర్ ఎస్ లో వచ్చిన 280 వినతులను క్షేత్రస్థాయిలో పరిశీలించి, పరిష్కరించాలని అధికారులను ఆదేశించారు. 
గ్రామీణాభివృద్ధి కోసం ప్రతి ఊరు, మండలం మరియు నియోజకవర్గంలో రూ. 200 కోట్లకు సంబంధించిన అభివృద్ధి పనులను స్పష్టంగా హైలైట్ చేయాలని తెలిపారు.  ఎమ్మెల్యేలతో సమన్వయం చేసుకుంటూ ఈ కార్యక్రమం  చూసుకోవాలి. రోడ్డు భద్రత చర్యలు సహా పలు కీలక అంశాలపై అధికారులకు దిశా నిర్దేశం చేశారు. ప్రమాదాల నివారణకు రోడ్డు భద్రతా పనులను తక్షణమే చేపట్టాలని ఆదేశించారు. ప్రమాదకరంగా ఉన్న రోడ్ల కూడళ్ల వద్ద, మలుపుల వద్ద వైర్‌లెస్ లైట్ల ఏర్పాటుకు సంబంధించి ఈమరియు పి ఆర్ అధికారులతో అంచనాలు సిద్ధం చేయాలన్నారు.  మండల పరిషత్ నిధుల ద్వారా అవసరమైన చోట్ల సైన్‌బోర్డులు , జీబ్రా క్రాసింగ్‌లు  మరియు స్పీడ్ బ్రేకర్లను వెంటనే ఏర్పాటు చేయాలని ఎంపీడీవోలను ఆదేశించారు.ఈ సమావేశంలో  కలెక్టరేట్ నుంచి  డిపిఓ, డ్వామా పిడి, ఆర్ డబ్ల్యూ ఎస్., ఎస్ఈ, డిఆర్డిఏ, ఇరిగేషన్, విద్యుత్ శాఖ,  ఆర్ అండ్ బి, తదితర సంబంధిత అధికారులు పాల్గొన్నారు.