డంపింగ్ యార్డు తరలించాలి
సీసీ రోడ్లకు నిధులు కేటాయించాలి.. ఉప్పల్ జోనల్ కమిషనర్కు మాజీ చైర్మన్ బోయపల్లి కొండల్రెడ్డి వినతి
ఘట్కేసర్ రూరల్, మేజర్ న్యూస్ (సెప్టెంబర్ 28) : ఘట్కేసర్ సర్కిల్ పోచారం డివిజన్ పరిధిలోని అన్నోజిగూడ డంపింగ్ యార్డును తరలించాలని, చౌదరిగూడ పరిధిలోని పలు కాలనీల్లో సీసీ రోడ్ల నిర్మాణానికి నిధులు కేటాయించాలని కోరుతూ మాజీ మున్సిపల్ చైర్మన్ బోయపల్లి కొండల్రెడ్డి సోమవారం ఉప్పల్ జోనల్ కమిషనర్ రాధిక గుప్తాకు వినతిపత్రం అందజేశారు. అన్నోజిగూడ డంపింగ్ యార్డు వల్ల స్థానికులు ఎదుర్కొంటున్న ఇబ్బందులను దృష్టిలో ఉంచుకుని దానిని తరలించేందుకు చర్యలు తీసుకోవాలని కోరారు. అలాగే చౌదరిగూడ పరిధిలోని హిమగిరి కాలనీ, కాకతీయ నగర్, సాయినగర్, డాక్టర్స్ కాలనీ, వెంకటేశ్వర కాలనీ, ఎంఎల్ఆర్ కాలనీ, వెంకటసాయి కాలనీల్లో సీసీ రోడ్ల నిర్మాణానికి నిధులు మంజూరు చేయాలని విజ్ఞప్తి చేశారు. పోచారం డివిజన్లో నెలకొన్న ఇతర సమస్యల పరిష్కారానికి ప్రత్యేక దృష్టి సారించి అదనపు నిధులు కేటాయించాలని కోరారు. ఈ కార్యక్రమంలో మాజీ ఉపసర్పంచ్ ఆకిటి బాల్రెడ్డి, కృష్ణారెడ్డి, రాములు, పోచిరెడ్డి, శ్రీనివాస్ తదితరులు పాల్గొన్నారు.రిపోర్టర్ లంబ రాజు.
