యువత భవితకు భరోసా కార్యక్రమంలో ఎంపీ అంబికా లక్ష్మీనారాయణ

అనంతపురం బ్యూరో 

యువత భవితకు భరోసా కార్యక్రమంలో ఎంపీ అంబికా లక్ష్మీనారాయణ

అనంతపురం, సెప్టెంబర్ 28: 

అనంతపురం నగరంలోని కెఎస్ఎన్ ప్రభుత్వ మహిళా డిగ్రీ కళాశాలలో నిర్వహించిన “యువత భవితకు భరోసా” కార్యక్రమంలో ఎంపీ అంబికా లక్ష్మీనారాయణ పాల్గొని విద్యార్థినులతో ముచ్చటించారు. కళాశాలలోని విద్యా, మౌలిక వసతులు, విద్యార్థినులు ఎదుర్కొంటున్న సమస్యలను అడిగి తెలుసుకున్నారు.

కళాశాలలో త్వరలో వాటర్ ప్లాంట్ ఏర్పాటు చేయడంతో పాటు అదనపు తరగతి గదుల కోసం కృషి చేస్తామని ఎంపీ తెలిపారు. విద్యార్థినులు ఉన్నత లక్ష్యాలను ఏర్పరచుకుని కష్టపడి చదవడంతో పాటు కమ్యూనికేషన్, సాంకేతిక పరిజ్ఞానం, ఇతర నైపుణ్యాలను పెంపొందించుకోవాలని సూచించారు. జాబ్ మేళాలు, పోటీ పరీక్షలకు అందుబాటులో ఉన్న అవకాశాలను సద్వినియోగం చేసుకోవాలని కోరారు.

కార్యక్రమంలో కళాశాల ప్రిన్సిపల్ ప్రగతి, అన్నపూర్ణ, హాస్పిటల్ కమిటీ సభ్యులు నరసింహులు, వెంకటేశ్వర్ రెడ్డి, అధ్యాపకులు, విద్యార్థినులు పాల్గొన్నారు.