అప్పుల బాధతో కూలీ ఆత్మహత్య

ఘట్‌కేసర్, మేజర్ న్యూస్(సెప్టెంబర్, 28):
అంకుశాపూర్‌లోని భాగ్యనగర్ హ్యాచరీస్‌లో కూలీగా పనిచేస్తున్న అంధుగుల రాజు (43) ఆత్మహత్యకు పాల్పడ్డాడు. భద్రాద్రి కొత్తగూడెం జిల్లా దుమ్ముగూడెం వాసి అయిన రాజు భార్య, ముగ్గురు పిల్లలతో కలిసి ఐదేళ్లుగా అంకుశాపూర్‌లో నివాసముంటున్నాడు. పెద్ద కుమార్తె వివాహం కోసం చేసిన అప్పుల కారణంగా మద్యానికి బానిసై, నాలుగు రోజులుగా పనికి వెళ్లకుండా మద్యం సేవిస్తున్నాడు. సోమవారం భార్య పనికి వెళ్లిన సమయంలో ఇంట్లో పైకప్పుకు చీరతో ఉరివేసుకున్నాడు. స్థానికులు కోటేశ్వరరావు, షాబుద్దీన్ గమనించి కిందకు దించగా అప్పటికే మృతి చెందాడు. భార్య స్వర్ణకుమారి ఫిర్యాదుతో ఘట్‌కేసర్ పోలీసులు కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టం కోసం గాంధీ ఆసుపత్రికి తరలించారు.రిపోర్టర్ గుర్రం రమేష్.