చేవెళ్లలో MSF హడావిడి.. అక్టోబర్ 6న ‘ఛలో OU’ పిలుపు

ఎంఎస్ఎఫ్ జాతీయ ప్రతినిధుల మహాసభను విజయవంతం చేయాలని రంగారెడ్డి జిల్లా కో-ఇంచార్జి నాని భానుప్రసాద్ మాదిగ పిలుపునిచ్చారు. అక్టోబర్ 6న ఉస్మానియా యూనివర్సిటీలో జరిగే సభకు భారీగా తరలిరావాలని కోరారు.
చేవెళ్లలో నిర్వహించిన సమావేశంలో మాట్లాడుతూ విద్యార్థి ఉద్యమాలు బలహీనంగా ఉన్న ఈ సమయంలో ఎంఎస్ఎఫ్‌ను బలోపేతం చేసి నాయకత్వం వహించాల్సిన అవసరం ఉందన్నారు. డిగ్రీ, పీజీ, జూనియర్ కళాశాలల్లో కొత్త కమిటీలను ఏర్పాటు చేసి ఉద్యమాన్ని శక్తివంతం చేయాలని సూచించారు. ఎస్సీ వర్గీకరణ ఫలాలు పూర్తి స్థాయిలో అందుకునేందుకు మాదిగ విద్యార్థులు, నిరుద్యోగులు తమ నైపుణ్యాలను పెంచుకోవాలని పేర్కొన్నారు. కుల వివక్షత, పేదరికం లేని సమాజ నిర్మాణానికి బలమైన ప్రజా పోరాటాలు కొనసాగించాలని పిలుపునిచ్చారు. ఈ కార్యక్రమంలో మండల నాయకులు, విద్యార్థులు పాల్గొన్నారు.

(చేవెళ్ల - మేజర్ న్యూస్)