11 కేవీ హెచ్‌టీ కనెక్షన్లకు ఏకరీతి ఛార్జీలు

సూర్య కాగజ్‌నగర్ : 11 కేవీ స్థాయిలో అర్హత కలిగిన హైటెన్షన్ (హెచ్‌టీ) విద్యుత్ కనెక్షన్లు, అదనపు లోడ్లకు ఏకరీతి సర్వీస్ లైన్ ఛార్జీలు అమలు చేయనున్నట్లు కుమురంభీమ్ ఆసిఫాబాద్ సర్కిల్ ఎస్ఈ ఉత్తమ్ జాడే తెలిపారు. టీజీ ఈఆర్సీ రెగ్యులేషన్ నం.07 ఆఫ్ 2026 ద్వారా ఈ విధానాన్ని అమల్లోకి తెచ్చిందన్నారు.ఇప్పటికే విద్యుదీకరించిన 11 కేవీ కామన్ ఫీడర్ నుంచి ఓవర్‌హెడ్ లైన్ ద్వారా ఒక కిలోమీటర్ పరిధిలో ఉన్న అర్హత కలిగిన కొత్త హెచ్‌టీ కనెక్షన్లు, అదనపు లోడ్లకు ప్రతి కేవీఏ కాంట్రాక్టెడ్ డిమాండ్‌కు రూ.4,078 సర్వీస్ లైన్ ఛార్జీ వర్తిస్తుందని తెలిపారు.కొత్త విధానంతో ఛార్జీల విషయంలో వినియోగదారులకు ముందస్తు స్పష్టత లభించడంతో పాటు దరఖాస్తుల పరిశీలన, ప్రాసెసింగ్ మరింత పారదర్శకంగా, వేగవంతంగా జరుగుతుందని చెప్పారు. పారిశ్రామిక, వాణిజ్య, ఐటీ రంగాలకు ఇది ప్రయోజనకరంగా ఉంటుందని ఎస్ఈ పేర్కొన్నారు.