పాకిస్తాన్‌ ఎదుట భారీ లక్ష్యం..

 ఐచి (జపాన్): ఏషియన్ గేమ్స్ 2026 పురుషుల క్రికెట్ టోర్నమెంట్‌లో స్వర్ణ పతకమే లక్ష్యంగా సాగుతున్న హైవోల్టేజ్ ఫైనల్ పోరులో భారత్ భారీ స్కోరు సాధించింది. ప్రత్యర్థి పాకిస్తాన్‌కు భారత్ 212 పరుగుల కొండంత లక్ష్యాన్ని నిర్దేశించింది. టాస్ గెలిచి మొదట బ్యాటింగ్ ఎంచుకున్న టీమిండియా నిర్ణీత 20 ఓవర్లలో 6 వికెట్ల నష్టానికి 211 పరుగుల బారీ స్కోరు నమోదు చేసింది.

భారత ఇన్నింగ్స్‌లో ఓపెనర్ అభిషేక్ శర్మ సంచలన బ్యాటింగ్‌తో అలరించాడు. పాక్ బౌలర్లపై విరుచుకుపడుతూ కేవలం 61 పరుగులు చేసి జట్టుకు బలమైన పునాది వేశాడు. అనంతరం మిడిలార్డర్‌లో వచ్చిన తిలక్ వర్మ నిలకడగా ఆడుతూ బాధ్యతాయుత అర్ధశతకంతో (51 నాటౌట్) ఆకట్టుకున్నాడు. ఆఖరి ఓవర్లలో దూకుడుగా ఆడటంతో భారత్ 200 మైలురాయిని సులువుగా దాటేసింది.

ప్రస్తుతం 212 పరుగుల విజయలక్ష్యంతో ఛేజింగ్‌కు దిగిన పాకిస్తాన్‌ను కట్టడి చేసేందుకు భారత బౌలర్లు సిద్ధమయ్యారు. ఈ కీలక ఫైనల్లో గెలిచి భారత్‌కు పసిడి పతకం అందించేందుకు టీమిండియా బౌలింగ్ విభాగం పట్టుదలతో ఉంది.