ప్రేమోన్మాదం.. యువతిపై దాడి, ప్రియుడి మృతి

ప్రేమోన్మాదం.. యువతిపై దాడి, ప్రియుడి మృతి

విజయవాడ క్రైం, మేజర్ న్యూస్ (ప్రేమ్ రాజ్✍️) : విజయవాడలోని న్యూ రాజరాజేశ్వరి పేటలో దారుణ ఘటన చోటుచేసుకుంది. ప్రేమ వ్యవహారంలో అనుమానంతో మహాలక్ష్మి అనే యువతిపై చిన్నారావు కొడవలితో దాడి చేసి గొంతు కోశాడు. ఈ ఘటనలో ఆమె తీవ్రంగా గాయపడింది. గత కొంతకాలంగా మహాలక్ష్మి, చిన్నారావు ప్రేమించుకుంటున్నట్లు సమాచారం. అయితే మహాలక్ష్మిపై అనుమానం పెంచుకున్న చిన్నారావు ఆమెపై కొడవలితో దాడి చేసి హత్యాయత్నానికి పాల్పడ్డాడు. తీవ్రంగా గాయపడిన మహాలక్ష్మిని వెంటనే ఆసుపత్రికి తరలించగా, ప్రస్తుతం చికిత్స పొందుతోంది. మరోవైపు దాడి అనంతరం చిన్నారావు అదే ప్రాంతంలోని ఓ భవనంపైకి వెళ్లి అక్కడి నుంచి కిందకు దూకాడు. తీవ్ర గాయాలపాలైన అతడు మృతిచెందాడు. ఘటనపై పోలీసులు దర్యాప్తు చేపట్టారు.