national
న్యోమా ఎయిర్‌బేస్‌లో ఐఏఎఫ్ సరికొత్త రికార్డు
లేహ్:భారత వైమానిక దళం (IAF) లడఖ్‌లో సరిహద్దు భద్రత పరంగా చారిత్రాత్మక విజయాన్ని సాధించింది. వాస్తవాధీన రేఖకు (LAC) కేవలం 25 కిలోమీటర్ల దూరంలో, సముద్ర మట్టానికి 13,000 అడుగుల అత్యంత ఎత్తులో ఉన్న న్యోమా ఎయిర్‌బేస్‌లో రష్యా తయారీ IL-76MD వ్యూహాత్మక రవాణా విమానాన్ని విజయవంతంగా ల్యాండ్ చేసి ఐఏఎఫ్ సరికొత్త రికార్డు సృష్టించింది.
ప్రపంచంలోనే ఈ భారీ రకం విమానం ఇంతటి ప్రతికూల వాతావరణం, అత్యధిక ఎత్తు కలిగిన రన్‌వేపై ల్యాండ్ కావడం ఇదే తొలిసారి. సరిహద్దుల్లోని అత్యంత క్లిష్టమైన ప్రాంతాలకు స్వల్ప వ్యవధిలోనే భారీ సైనిక బలగాలు, ఆయుధ సామగ్రిని వేగంగా తరలించే భారత వ్యూహాత్మక ఎయిర్‌లిఫ్ట్ సామర్థ్యానికి ఈ ఘనత అద్దం పడుతోంది. చైనా సరిహద్దు వెంబడి సవాళ్లను ధీటుగా ఎదుర్కొనేందుకు ఈ ల్యాండింగ్ వైమానిక దళానికి మరింత సైనిక బలాన్ని అందించనుంది.
