రాజకీయ లబ్ధి కోసం తప్పుడు ఆరోపణలు చేయవద్దు -ఎన్ఎస్ యూఐ ఉమ్మడి కరీంనగర్ జిల్లా మాజీ అధ్యక్షుడు బండారి సునీల్ గౌడ్

సూర్య - పెద్దపల్లి :
రాజకీయాల్లో నాయకుల వ్యక్తిగత జీవితాలపై అసత్య ప్రచారాలు చేయడం సరికాదని ఎన్ఎస్ యూఐ ఉమ్మడి కరీంనగర్ జిల్లా మాజీ అధ్యక్షుడు బండారి సునీల్ గౌడ్ పేర్కొన్నారు.శనివారం పెద్దపల్లి ప్రెస్ క్లబ్ వేదికగా విడుదల చేసిన ప్రకటనలో ఆయన పలు అంశాలను ప్రస్తావిస్తూ..కాంగ్రెస్ నేత బల్మూరి వెంకట్‌కు సంబంధించిన వ్యక్తిగత ఫొటోలను మార్ఫింగ్ చేసి,సోషల్ మీడియాలో తప్పుడు ప్రచారం చేశారనే ఫిర్యాదు మేరకు పోలీసులు చట్టప్రకారమే దూదిమెట్ల బాలరాజు యాదవ్‌ను అదుపులోకి తీసుకున్నారని సునీల్ గౌడ్ స్పష్టం చేశారు. ఈ అంశాన్ని బీఆర్ఎస్ నాయకుడు చిరుమల్ల రాకేష్ రాజకీయం చేయడం ఆక్షేపణీయమని అన్నారు.రాజకీయ ఉనికి కోసం ఇతరులపై నిరాధారమైన ఆరోపణలు చేయడం మానుకోవాలని ఆయన హితవు పలికారు.రాజకీయాల్లో విధానపరమైన విమర్శలు ఉండాలే తప్ప,వ్యక్తిగత అంశాలను వివాదాస్పదం చేయడం సమంజసం కాదని పేర్కొన్నారు. బాధ్యతాయుతమైన రాజకీయ నాయకులు ప్రజా సమస్యలపై దృష్టి సారించాలని,అనవసర వివాదాలకు తావివ్వకుండా ప్రజాస్వామ్యబద్ధంగా వ్యవహరించాలని సునీల్ గౌడ్ సూచించారు.