ఓవర్సీస్‌లో గ్రాండ్ రిలీజ్‌కు సిద్ధమైన డిఫరెంట్ థ్రిల్లర్ ‘మయూఖ’.. ఈ నెల 9న ప్రపంచవ్యాప్తంగా థియేటర్లలో సందడి!
సూర్య ఎంటర్‌టైన్‌మెంట్ డెస్క్: టాలీవుడ్‌లో విభిన్నమైన కథాంశాలు మరియు సస్పెన్స్ ఎలిమెంట్స్‌తో తెరకెక్కుతున్న డిఫరెంట్ థ్రిల్లర్ మూవీ ‘మయూఖ’. ప్రతిభావంతురాలైన నటి పాయల్ చెంగప్ప ప్రధాన పాత్రలో నటిస్తున్న ఈ చిత్రాన్ని ప్రశ్విత ఎంటర్‌టైన్‌మెంట్ బ్యానర్‌పై శశిధర్ నల్ల అత్యంత ప్రతిష్టాత్మకంగా నిర్మిస్తున్నారు. ప్రతిభావంతుడైన దర్శకుడు శ్రీ తేజ్ ఎస్.కె. ఈ సినిమాను ఉత్కంఠభరితమైన కథనంతో తెరకెక్కిస్తున్నారు. ఇప్పటికే ఈ చిత్రానికి సంబంధించిన ప్రమోషనల్ కంటెంట్ మరియు ట్రైలర్ ప్రేక్షకులలో భారీ అంచనాలను నెలకొల్పగా, సినిమా ఎప్పుడెప్పుడా అని సినీ ప్రియులు ఎదురుచూస్తున్నారు.
ఈ సినిమాను ఈ నెల 9వ తేదీన ప్రపంచవ్యాప్తంగా అత్యంత గ్రాండ్‌గా థియేటర్లలో విడుదల చేయబోతున్నట్లు మేకర్స్ ఇప్పటికే అధికారికంగా ప్రకటించారు. ఈ నేపథ్యంలో తాజాగా చిత్ర యూనిట్ ఓవర్సీస్ రిలీజ్ అప్‌డేట్‌ను సోషల్ మీడియా వేదికగా పంచుకుంది. ప్రముఖ ఓవర్సీస్ డిస్ట్రిబ్యూషన్ సంస్థ కాగ్నెయిర్ సినీ క్రియేషన్స్ ‘మయూఖ’ చిత్రాన్ని విదేశాలలో భారీ స్థాయిలో విడుదల చేయబోతోంది. ఈ సినిమాతో ఓవర్సీస్ ఆడియెన్స్‌కు ఒక సరికొత్త సీట్ ఎడ్జ్ థ్రిల్లర్ అనుభూతిని పంచేందుకు సన్నాహాలు జరుగుతున్నట్లు డిస్ట్రిబ్యూషన్ వర్గాలు వెల్లడించాయి.
ఈ చిత్ర ట్రైలర్ విడుదలైనప్పటి నుంచి సినిమాపై అంచనాలు ఒక్కసారిగా తారాస్థాయికి చేరాయి. సీట్ ఎడ్జ్ థ్రిల్లర్‌గా రూపొందిన ఈ చిత్రంలోని ప్రతి సన్నివేశం ప్రేక్షకులను ఉత్కంఠకు గురిచేసేలా ఉంటుందని మేకర్స్ ధీమా వ్యక్తం చేస్తున్నారు. మరోవైపు ఈ నెల 9న విడుదల కావాల్సిన వెంకటేష్ మరియు త్రివిక్రమ్ కాంబినేషన్‌లో వస్తున్న ఆదర్శ కుటుంబం సినిమా పోస్ట్‌పోన్ కావడంతో, బాక్సాఫీస్ వద్ద ‘మయూఖ’ చిత్రానికి మరింత అనుకూల వాతావరణం ఏర్పడింది. థ్రిల్లర్ జోనర్ సినిమాలను ఇష్టపడే ప్రేక్షకులతో పాటు విభిన్నమైన కంటెంట్ కోసం చూసే మూవీ లవర్స్‌‌కు ఈ వీకెండ్ ఈ సినిమా ఒక చక్కటి బెస్ట్ ఆప్షన్‌గా నిలవనుంది.నుంది.
