శ్రీ కోటదుర్గమ్మ ఆలయంలో వరుణయాగం

పాలకొండ: ఆంధ్రప్రదేశ్ దేవాదాయ శాఖ ఆదేశాల మేరకు పాల కొండలోని శ్రీ కోట దుర్గమ్మతల్లి దేవస్థానం ఆధ్వర్యంలో వరుణయాగం, వరుణజపం, ఋష్య శృంగ ఆరాధన మహోత్సవాన్ని మంగళ వారం ఘనంగా నిర్వహించారు. ఆలయ ఈవో వి.వి. సూర్యనారాయణ పర్యవేక్షణలో ప్రధాన అర్చకులు లక్ష్మీ ప్రసాద్ శర్మ,అర్చకులు మణీల్ శర్మ, చక్రధర్సాహు ఆధ్వర్యంలో ఈ కార్యక్రమం జరిగింది. టీడీపీ ఎమ్మెల్సీ కావలి గ్రీష్మ, పాలకొండ నియోజకవర్గ ఇన్చార్జి పడాల భూదేవి, మండల అధ్యక్షుడు గండి రామినాయుడు, టౌన్ అధ్యక్షుడు గుమ్మడి సింహాద్రి, మజ్జి జయశంకర్ తదితరులు కోటదుర్గమ్మ అమ్మవారిని దర్శించుకుని తీర్థప్రసాదాలు స్వీకరిం చారు. అనంతరం మండపంలో నిర్వహించిన వరుణయాగంలో పాల్గొన్నారు. సీనియర్ మహిళా నేత బొమ్మలాట స్వర్ణరాణి, బిడ్డిక జయలక్ష్మి, శాసపు సర్వారావు, జూనియర్ అసిస్టెంట్ శ్రీనివాస శర్మతో పాటు పార్టీ నాయకులు, కార్యకర్తలు, భక్తులు పాల్గొన్నారు.