business

మెర్సిడెస్ GLC 400 ఎలక్ట్రిక్ SUV విడుదల

Business 05 Nov 2026 44 views

ముంబై:ప్రముఖ లగ్జరీ కార్ల తయారీ సంస్థ మెర్సిడెస్ బెంజ్, భారత ఆటోమొబైల్ మార్కెట్లోకి 'GLC 400 4MATIC' ఎలక్ట్రిక్ SUVని అధికారికంగా విడుదల చేసింది. మహారాష్ట్రలోని పుణె సమీపంలో ఉన్న చకన్ ప్లాంట్‌లో స్థానికంగా అసెంబ్లింగ్ అయిన ఈ మోడల్ ఎక్స్‌షోరూమ్ ప్రారంభ ధరను రూ.78.50 లక్షలుగా కంపెనీ ప్రతినిధులు ప్రకటించారు.

ఈ లగ్జరీ ఎలక్ట్రిక్ SUVని ఒక్కసారి ఫుల్ ఛార్జ్ చేస్తే గరిష్ఠంగా 711 కిలోమీటర్ల వరకు ప్రయాణించవచ్చని కంపెనీ వెల్లడించింది. వాహనంలో 94 kWh సామర్థ్యం కలిగిన బ్యాటరీ ప్యాక్‌ను అమర్చగా, అల్ట్రా-ఫాస్ట్ ఛార్జింగ్ ద్వారా కేవలం 10 నిమిషాల ఛార్జింగ్‌తోనే 303 కిలోమీటర్ల రేంజ్ పొందవచ్చు. 360 kW పవర్, 800 Nm గరిష్ట టార్క్‌ను ఉత్పత్తి చేసే ఈ మోడల్ కేవలం 4.3 సెకన్లలోనే 100 కిలోమీటర్ల వేగాన్ని అందుకుంటుంది. రోజురోజుకూ పుంజుకుంటున్న భారత లగ్జరీ ఈవి (EV) మార్కెట్‌లో ఈ కొత్త GLC 400 మోడల్ విక్రయాలు నవంబర్ మధ్యవారం నుంచి ప్రారంభం కానున్నాయి.