యనమలకుదురులో వ్యక్తి అదృశ్యం

పెనమలూరు, మేజర్ న్యూస్ : పెనమలూరు మండలం యనమలకుదురు కరకట్ట పోలీస్ కాలనీకి చెందిన నడకుదుటి వెంకటేష్ (35) అదృశ్యమైనట్లు పెనమలూరు పోలీసులకు ఫిర్యాదు అందింది. వృత్తిరీత్యా వడ్రంగి పనులు చేసుకుంటూ జీవనం సాగిస్తున్న వెంకటేష్ కొంతకాలంగా మూర్ఛ వ్యాధితో బాధపడుతున్నట్లు కుటుంబ సభ్యులు తెలిపారు. అక్టోబర్ 5న ఉదయం 8 గంటల సమయంలో ఇంట్లో ఎవరికీ చెప్పకుండా బయటకు వెళ్లిన ఆయన సాయంత్రం వరకు తిరిగి రాలేదు. అదే రోజు సాయంత్రం 6 గంటలకు తండ్రి నడకుదుటి నాగేశ్వరరావు ఇంటికి వచ్చి చూడగా వెంకటేష్ కనిపించకపోవడంతో బంధువులు, తెలిసినవారు, పరిసర ప్రాంతాల్లో గాలించినా ఆచూకీ లభించలేదు. దీంతో నాగేశ్వరరావు పెనమలూరు పోలీస్ స్టేషన్‌లో ఫిర్యాదు చేయగా పోలీసులు కేసు నమోదు చేసి దర్యాప్తు చేపట్టారు.

✍️ప్రేమ్ రాజ్, పెనమలూరు, కృష్ణాజిల్లా.