విజయవాడలో పోలింగ్ కేంద్రాన్ని పరిశీలించిన జిల్లా ఎన్నికల వ్యయ పరిశీలకులు

విజయవాడ, మేజర్ న్యూస్: జిల్లా ఎన్నికల వ్యయ పరిశీలకులు బి. విజయకుమార్ ఆదివారం విజయవాడ అర్బన్ పరిధిలోని పీబీ సిద్ధార్థ ఆర్ట్స్ అండ్ సైన్స్ కళాశాలలో ఏర్పాటు చేసిన పోలింగ్ కేంద్రాన్ని సందర్శించి ఎన్నికల నిర్వహణ తీరును పరిశీలించారు. పోలింగ్ ప్రక్రియ, ఓటర్ల భాగస్వామ్యం, ఎన్నికల సిబ్బంది విధుల నిర్వహణను క్షేత్రస్థాయిలో సమీక్షించారు. ఓటర్లకు కల్పించిన మౌలిక సదుపాయాలు, తాగునీటి వసతి, క్యూలైన్ల నిర్వహణ, భద్రతా ఏర్పాట్లను పరిశీలించి సిబ్బందిని వివరాలు అడిగి తెలుసుకున్నారు. ఎన్నికల ప్రవర్తనా నియమావళి, వ్యయ పర్యవేక్షణ నిబంధనలను పక్కాగా అమలు చేయాలని, పారదర్శకంగా, నిష్పక్షపాతంగా విధులు నిర్వహించాలని అధికారులకు సూచించారు. ప్రశాంత వాతావరణంలో పోలింగ్ సజావుగా పూర్తయ్యేలా అప్రమత్తంగా ఉండాలని ఆదేశించారు.

స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.