విద్యార్థుల సంక్షేమానికి కృషి చేస్తాం

ఆంధ్రప్రదేశ్ సాంఘిక సంక్షేమ శాఖ మంత్రి డోలా బాల వీరాంజనేయ స్వామిని నవ సమాజ ఫెడరేషన్ నేతలు కలిశారు. తిరుమల శ్రీవారి దర్శనానంతరం పద్మావతి గెస్ట్ హౌస్ కు విచ్చేసిన మంత్రిని మాజీ మంత్రి పరసా రత్నం, ఫెడరేషన్ వ్యవస్థాపక జాతీయ అధ్యక్షులు నీరుగట్టు నగేష్ ఆదివారం మర్యాదపూర్వకంగా కలిశారు. ఈ సందర్భంగా మంత్రి మాట్లాడుతూ ఎస్సీ, ఎస్టీ, బీసీ, మైనారిటీ విద్యార్థుల సంక్షేమానికి, వారి సమస్యల పరిష్కారానికి ప్రభుత్వం కట్టుబడి ఉందని, విద్యార్థుల సంక్షేమానికి కృషి చేస్తామని హామీ ఇచ్చారు. మంత్రి హామీ పట్ల నీరుగట్టు నగేష్ అభినందనలు తెలిపారు.ఈ కార్యక్రమంలో ఏపీఎఫ్ సభ్యులు బాలాజీ జగదీశ ఆచారి పాల్గొన్నారు.