వీఆర్ఏల సమస్యలు పరిష్కరించాలి. **డిమాండ్ల సాధన కోసం సహాయ నిరాకరణ ఉద్యమం.

వీఆర్ఏల సమస్యలు పరిష్కరించాలి.

**డిమాండ్ల సాధన కోసం సహాయ నిరాకరణ ఉద్యమం.

చిన్నగొట్టిగల్లు, అక్టోబర్ 03, మేజర్ న్యూస్:

వీఆర్ఏల సమస్యలను ప్రభుత్వం తక్షణమే పరిష్కరించాలని చిన్నగొట్టిగల్లు మండల అధ్యక్షులు రమణయ్య తెలిపారు. ఆంధ్రప్రదేశ్ గ్రామ రెవెన్యూ సహాయకుల సంఘం ఆధ్వర్యంలో సహాయ నిరాకరణ ఉద్యమం, సమ్మె చేపట్టినట్లు తెలిపారు. ఈ సందర్భంగా ఆయన మాట్లాడుతూ వీఆర్ఏల న్యాయమైన డిమాండ్లను ప్రభుత్వం పరిష్కరించాలని కోరారు. తెలంగాణ తరహాలో వీఆర్ఏలకు పేస్కేలు అమలు చేయాలని, నామినీలుగా పనిచేస్తున్న వారందరినీ వీఆర్ఏలుగా నియమించాలని వారు డిమాండ్ చేశారు. అలాగే అర్హత కలిగిన వీఆర్ఏలందరికీ ప్రమోషన్లు కల్పించాలని, వయస్సుతో సంబంధం లేకుండా విధి నిర్వహణలో మరణించిన వీఆర్ఏల కుటుంబ సభ్యులకు కారుణ్య నియామకాలు కల్పించాలని కోరారు.

వీఆర్ఏలపై మోపుతున్న అక్రమ డ్యూటీలను తక్షణమే రద్దు చేయాలని, తమ సమస్యలపై ప్రభుత్వం సానుకూలంగా స్పందించి పరిష్కారానికి చర్యలు చేపట్టాలని తెలిపారు. తమ న్యాయమైన డిమాండ్ల సాధన కోసం వీఆర్ఏలంతా ఐక్యంగా ఉద్యమించాలని పిలుపునిచ్చారు. ఈ కార్యక్రమంలో ఆంధ్రప్రదేశ్ గ్రామ రెవెన్యూ సహాయకుల సంఘం చిన్నగొట్టిగల్లు మండల అధ్యక్షులు రమణయ్య, ఉపాధ్యక్షులు వెంకట్రామయ్య, శ్రావణ్, ప్రేమకుమార్, రెడ్డి రాణి, పద్మావతి తదితరులు పాల్గొన్నారు.