andhrapradesh
వత్సవాయి ఎంపీడీఓ కార్యాలయం వద్ద పటిష్ట పోలీసు బందోబస్తు నామినేషన్ కేంద్రం వద్ద కట్టుదిట్టమైన భద్రతా ఏర్పాట్లు
వత్సవాయి: స్థానిక సంస్థల ఎన్నికల నామినేషన్ల నేపథ్యంలో వత్సవాయి మండల ఎంపీడీఓ కార్యాలయం వద్ద పోలీసులు కట్టుదిట్టమైన భద్రతా ఏర్పాట్లు చేపట్టారు. నామినేషన్ కేంద్రానికి 100 మీటర్ల దూరంలోనే అభ్యర్థులకు మద్దతుగా వచ్చిన నాయకులు, కార్యకర్తలను నిలిపివేశారు. నామినేషన్ ప్రక్రియ ప్రశాంతంగా, ఎలాంటి అవాంఛనీయ ఘటనలు చోటుచేసుకోకుండా పోలీసులు ముందస్తు చర్యలు తీసుకున్నారు. జగ్గయ్యపేట సీఐ వెంకటేశ్వరరావు, వత్సవాయి ఎస్‌ఐ ఉమా మహేశ్వరరావు పోలీసు బందోబస్తును పర్యవేక్షిస్తూ భద్రతా ఏర్పాట్లను పరిశీలిస్తున్నారు. నామినేషన్ కేంద్రం పరిసరాల్లో పోలీసులు అప్రమత్తంగా ఉంటూ పరిస్థితిని నిరంతరం పర్యవేక్షిస్తున్నారు.
