స్ట్రాంగ్ రూమ్‌ల వద్ద భద్రత పటిష్టం చేయాలి.. జిల్లా కలెక్టర్ కృతిక శుక్ల
నరసరావుపేట మేజర్ న్యూస్ : స్థానిక సంస్థల ఎన్నికల నేపథ్యంలో స్ట్రాంగ్ రూమ్‌ల వద్ద భద్రతను పటిష్టం చేయాలని పల్నాడు జిల్లా కలెక్టర్ కృతిక శుక్లా, ఎస్పీ జగదీశ్ అదహళ్లి అధికారులను ఆదేశించారు. ఎన్నికల నిర్వహణకు సంబంధించి చేపట్టిన భద్రతా ఏర్పాట్లను బుధవారం వారు సంయుక్తంగా పరిశీలించారు. నరసరావుపేటలోని జేఎన్‌టీయూ, ఏఎం రెడ్డి ఇంజినీరింగ్ కళాశాలల్లో ఏర్పాటు చేసిన స్ట్రాంగ్ రూమ్‌లను సందర్శించి భద్రతా చర్యలపై ఆరా తీశారు. ఎన్నికల సామగ్రి భద్రత, పోలీసు బందోబస్తు, నిరంతర నిఘా తదితర అంశాలను సమీక్షించారు. భద్రతా ఏర్పాట్లలో ఎలాంటి లోపాలకు తావివ్వకుండా అప్రమ త్తంగా వ్యవహరించాలని సూచించారు. ఈ సందర్బంగా జిల్లా కలెక్టర్ కృత్తికా సుక్కుల మాట్లాడుతూ స్థానిక ఎన్నికలు ప్రశాంతంగా, పారదర్శకంగా, నిష్పక్షపాతంగా జరిగేలా అన్ని శాఖల అధికారులు సమన్వయంతో పనిచేయాలని కలెక్టర్, ఎస్పీ స్పష్టం చేశారు. స్ట్రాంగ్ రూమ్‌ల వద్ద నిరంతర నిఘా కొనసాగించడంతోపాటు పటిష్ట పోలీసు బందోబస్తు ఏర్పాటు చేయాలన్నారు. అవాంఛనీయ సంఘటనలకు ఆస్కారం లేకుండా ముందస్తు జాగ్రత్తలు తీసుకోవాలని, ఎన్నికల నియమావళిని పకడ్బందీగా అమలు చేయాలని అధికారులను ఆదేశించారు.
రిపోర్టర్ మల్లికార్జునరావు పల్నాడు జిల్లా ఇన్చార్జి.
