రాజకీయ ప్రకటనలకు ఎంసీఎంసీ ముందస్తు ధ్రువీకరణ తప్పనిసరి* *జిల్లా కలెక్టర్ డా.ఏ.సిరి*

కర్నూలు, అక్టోబర్ 21: స్థానిక సంస్థల ఎన్నికల నేపథ్యంలో రాజకీయ పార్టీలు, అభ్యర్థులు 
టెలివిజన్ ఛానళ్లు, కేబుల్ నెట్‌వర్క్‌లు, రేడియో, సినిమా హాళ్లు, బహిరంగ ప్రదేశాల్లో ఏర్పాటు చేసే ఆడియో, వీడియో ప్రదర్శనలు, ఈ-పేపర్లు, బల్క్  SMS లు, వాయిస్ మెసేజ్ లు తదితర మాధ్యమాల ద్వారా రాజకీయ ప్రకటనల కోసం  జిల్లా కలెక్టర్ అధ్యక్షతన ఏర్పాటు చేసిన మీడియా సర్టిఫికేషన్ అండ్ మానిటరింగ్ కమిటీ (ఎంసీఎంసీ) నుంచి ముందస్తు ధ్రువీకరణ పొందాలని జిల్లా కలెక్టర్ డా.ఏ.సిరి బుధవారం ఒక ప్రకటనలో తెలిపారు.    

రాజకీయ ప్రకటనల ముందస్తు ధ్రువీకరణ, సంబంధిత అనుమతుల కోసం కర్నూలు  కలెక్టరేట్‌లోని సీపీఓ కార్యాలయంలో ఏర్పాటు చేసిన ఎంసీఎంసీ సెల్‌ను సంప్రదించాలని  కలెక్టర్ సూచించారు..

అభ్యర్ధులు, రాజకీయ పార్టీలు లేదా  తమ రాజకీయ  ప్రకటనను ప్రసారం చేయడానికి లేదా ప్రదర్శించడానికి నిర్ణయించిన తేదీకి కనీసం 3 రోజుల ముందుగా, నిర్దేశించిన ప్రొఫార్మా లో MCMC కి దరఖాస్తు చేసుకోవాలని కలెక్టర్ సూచించారు.