గురువులను గౌరవించడం భారతీయ సంస్కృతికి నిదర్శనం : విద్యావేత్త కృష్ణారెడ్డి

మదనపల్లె,మేజర్ న్యూస్ : పట్టణంలోని శ్రీకృష్ణారెడ్డి సిద్ధార్థ జూనియర్ కళాశాల అధినేత కృష్ణారెడ్డి తన గురువు స్వర్గీయ రంగనాథ గుప్తా జ్ఞాపకార్థం చైతన్య స్వచ్ఛంద సేవా సంస్థలోని చిన్నారులకు,ఆనంద వృద్ధాశ్రమంలోని వృద్ధులకు అన్నవితరణ నిర్వహించి తన దాతృత్వాన్ని చాటుకున్నారు.ఈ సందర్భంగా సంస్థ జనరల్ సెక్రటరీ ఏ.కవితా రాణి మాట్లాడుతూ తమ కుటుంబంలోని శుభకార్యాలను సంస్థ చిన్నారుల మధ్య జరుపుకుంటూ,సంస్థ అభివృద్ధికి సహాయ సహకారాలు అందిస్తున్న కృష్ణారెడ్డి,వారి కుటుంబ సభ్యులకు హృదయపూర్వక కృతజ్ఞతలు తెలిపారు.విజయదశమి సందర్భంగా అమ్మవారి ఆశీస్సులతో ఆయురారోగ్యాలు,అష్టైశ్వర్యాలతో నిండు నూరేళ్లు సుఖసంతోషాలతో జీవించాలని ఆకాంక్షించారు.అనంతరం కృష్ణారెడ్డి తన గురువు రంగనాథ గుప్తాని స్మరించుకుంటూ,చిన్నారులకు స్ఫూర్తిదాయక సందేశాన్ని అందించారు.గురువులను గౌరవించడం భారతీయ సంస్కృతికి నిదర్శనమని,గురువుల సలహాలను పాటించాలని సూచించారు.ప్రతి ఒక్కరూ కష్టపడి చదువుకొని,సంస్థ అందించే సహాయ సహకారాలను సద్వినియోగం చేసుకొని ఉన్నత స్థానాలకు చేరుకోవాలని,భవిష్యత్తులో తమలాగే సేవా సంస్థల్లోని నిరుపేద పిల్లలకు అండగా నిలిచి సమాజ అభివృద్ధికి తోడ్పడాలని పిలుపునిచ్చారు.గురువులను స్మరించుకుంటూ,సేవాభావాన్ని చాటుతూ చిన్నారులకు స్ఫూర్తినిచ్చిన కృష్ణారెడ్డి సేవలు అభినందనీయమన్నారు.

రిపోర్టర్ : కె.ఈశ్వర్ రెడ్డి,మదనపల్లి నియోజకవర్గం ఇంచార్జి