ఎల్ నినో సవాళ్లను సమర్థంగా ఎదుర్కొంటాం.. రైతులు ఆందోళన చెందవద్దు!, మహాదేవపూర్ రైతు వేదిక నుంచి వీడియో కాన్ఫిరెన్స్ ద్వారా వ్యవసాయ శాఖ మంత్రి తుమ్మల నాగేశ్వరరావు భరోసా, ముందస్తు ప్రణాళికలతో సిద్ధంగా ఉన్న ప్రభుత్వ యంత్రాంగం

మహాదేవపూర్,  మేజర్ న్యూస్, రాష్ట్రంలో ఎల్‌నినో  ప్రభావం, వర్షాభావ పరిస్థితులు, వర్షపాతంలో లోటు ఏర్పడే అవకాశం ఉన్న నేపథ్యంలో ప్రభుత్వం అన్ని ముందస్తు ప్రణాళికలతో సిద్ధంగా ఉందని రాష్ట్ర వ్యవసాయ శాఖ మంత్రి తుమ్మల నాగేశ్వరరావు స్పష్టం చేశారు. గురువారం మహాదేవపూర్ గ్రామంలోని రైతు వేదికలో నిర్వహించిన అత్యవసర వీడియో కాన్ఫిడెన్స్ మరియు మీడియా సమావేశంలో ఆయన మాట్లాడారు.
ప్రకృతి వైపరీత్యాలు మరియు వాతావరణ మార్పుల వల్ల అన్నదాతలు ఎవరూ ఆందోళన చెందాల్సిన అవసరం లేదని మంత్రి భరోసా ఇచ్చారు. కష్టకాలంలో ప్రభుత్వం ఎప్పుడూ రైతు వెంటే ఉంటుందని, సాగునీరు, విత్తనాలు, ఎరువుల కొరత తలెత్తకుండా పకడ్బందీ చర్యలు తీసుకుంటున్నామని ఆయన వెల్లడించారు. కార్యక్రమంలో సర్పంచ్ హసీనా భాను అక్బర్ ఖాన్, పాస్ చైర్మన్ చల్లా తిరుపతి రెడ్డి, మండల వ్యవసాయ అధికారులు, మండల సర్పంచ్‌లు చల్ల సమ్మిరెడ్డి, మోతే నీలాంబరి, అలాగే పెద్ద ఎత్తున స్థానిక రైతులు మరియు గ్రామ ప్రజలు పాల్గొని విజయవంతం చేశారు.

రిపోర్టర్ :  ఇనుగాల ప్రకాష్, మహాదేవపూర్, జయశంకర్ భూపాలపల్లి జిల్లా