ఎన్నికల నిర్వహణపై రూట్, జోనల్ అధికారులతో సమావేశం

అద్దంకి మున్సిపాలిటీ ఎన్నికలకు సంబంధించి రూట్ అధికారులు, జోనల్ అధికారులతో సహాయ ఎన్నికల అధికారి రవీంద్ర సమావేశం నిర్వహించారు. ఎన్నికల నిర్వహణపై స్పష్టమైన ఆదేశాలు, దిశానిర్దేశం చేశారు. ఎన్నికల ప్రక్రియ పూర్తయ్యే వరకు అధికారులు ఎంతో అప్రమత్తంగా, బాధ్యతాయుతంగా ఉండాలన్నారు. అధికారుల విధులపై స్పష్టతనిస్తూ సమన్వయంతో పనిచేయాలన్నారు. ఎన్నికలు ప్రశాంతంగా, పకడ్బందీగా జరిగేందుకు అధికారులు అందరూ క్షేత్రస్థాయిలో పర్యవేక్షణ ముమ్మరం చేయాలని ఆయన స్పష్టం చేశారు.