వరుణ దేవుని కోసం మహా యజ్ఞం -తాతయ్య గుంట గంగమ్మకు 108 బిందెల జలాభిషేకం

రాష్ట్రం సస్యశ్యామలంగా, రైతులు సుభిక్షంగా ఉండాలని, ప్రజలకు తాగు, సాగునీటికి ఇబ్బందులు రాకూడదని ఆకాంక్షిస్తూ వరుణ దేవునికి మహాయజ్ఞం నిర్వహిస్తున్నట్లు తాతయ్యగుంట గంగమ్మ ఆలయ చైర్మన్ నైనార్ మహేష్ యాదవ్ తెలిపారు. దేవదాయ శాఖ ఆదేశాల మేరకు ఈనెల ఆరో తేదీ మంగళవారం ఉదయం 6:54 గంటలకు 14 మంది వేద పండితులతో వరుణ హోమం, జపం నిర్వహిస్తారన్నారు. ఉదయం 10:30 గంటలకు అమ్మవారికి 108 బిందెలతో మహా జలాభిషేకం నిర్వహిస్తారు. రాష్ట్రవ్యాప్తంగా ప్రముఖ ఆలయాల్లో వర్షాల కోసం పూజలు చేయాలని ప్రభుత్వం ఆదేశించిన నేపథ్యంలో ఈ కార్యక్రమాన్ని ఏర్పాటు చేశామని ఆలయ చైర్మన్ నైనార్ మహేష్ యాదవ్, ఈవో ఏ.జయకుమార్ తెలిపారు. కావున ప్రజలందరూ ఈ కార్యక్రమంలో పాల్గొని వరుణ యాగంలో భాగస్వాములు కావాలని పిలుపునిచ్చారు. 

సీఎం గౌడ్ తిరుపతి ప్రతినిధి