మదనపల్లె,మేజర్ న్యూస్ : అన్నమయ్య జిల్లా కేంద్రమైన మదనపల్లి పట్టణంలో అక్టోబర్ 2వ తేదీన రూ.లక్ష కోట్లతో గ్లోబల్ హార్టికల్చర్ హబ్,ఇండియన్ స్కూల్ ఆఫ్ అగ్రికల్చర్ శంఖుస్థాపనతో ముఖ్యమంత్రి నారా చంద్రబాబు నాయుడు రాయలసీమ రైతుల కలలను సాకారం చేశారని మదనపల్లి మండలం,పొన్నీటిపాళ్యం పంచాయతీ,చిప్పిలికి చెందిన తెలుగుదేశం పార్టీ యువనేత బీదం గురునాథ్ యాదవ్ పేర్కొన్నారు.ఈ సందర్భంగా ఆదివారం అయన విలేకరులతో మాట్లాడుతూ గ్లోబల్ హార్టికల్చర్ హబ్ ఏర్పాటు ఓ మహోజ్వల ఘట్టమని,హేమాహేమీలైన కేంద్ర ఆర్థికశాఖ మంత్రి నిర్మల సీతారామన్,ఏపీ సీఎం చంద్రబాబు నాయుడు,డిప్యూటీ సీఎం పవన్ కళ్యాణ్,మంత్రి నారా లోకేష్,వ్యాపారం దిగ్గజం అనంత అంబానీలు ఒకే వేదికపై కొలువుదీరిన అక్టోబర్ 2,2026 మదనపల్లె చరిత్రలో నిలిచిపోతుందన్నారు.ఇటీవలే హంద్రీ-నీవా కాలువ ద్వారా కృష్ణాజిల్లాలతో చెరువులను పూర్తిస్థాయిలో నింపడం,ప్రస్తుతం గ్లోబల్ హార్టికల్చర్ హబ్ రావడంతో రాయలసీమలో రతనాలు సిరులు కురుస్తాయని కొనియాడారు.ఈ సభలో అనంత్ అంబానీ ప్రత్యేక ఆకర్షణగా నిలిచారని,ఆయన ప్రసంగం ప్రజల్లో ఉత్తేజాన్ని నింపిందన్నారు.మదనపల్లి ఎమ్మెల్యే షాజహాన్ బాషా గురించి ఎంత చెప్పినా తక్కువేనన్నారు.అతి తక్కువ సమయంలోనే నియోజకవర్గంలోని పార్టీ నాయకులు,కార్యకర్తలను ఎప్పటికప్పుడు అప్రమత్తం చేస్తూ సభను దిగ్విజయం చేయడంలో ఆయన కృషి ఫలించిందన్నారు.ఇంతటి బృహత్తర కార్యక్రమంలో తాను భాగస్వామిని కావడం ఆనందంగా ఉందన్నారు.ఈ కార్యక్రమాన్ని దిగ్విజయం చేసిన పార్టీ నాయకులు,కార్యకర్తలకు పేరుపేరునా కృతజ్ఞతలు తెలియజేస్తున్నానన్నారు.
