అర్హులైన పట్టభద్రులు ఓటరుగా నమోదు చేసుకోవాలి

మండల కాంగ్రెస్ పార్టీ అధ్యక్షుడు చంద్రశేఖర్

చౌడాపూర్, మేజర్ న్యూస్ (అక్టోబర్ 04):చౌడాపూర్ మండల పరిధిలోని అర్హత కలిగిన ప్రతి పట్టభద్రుడు పట్టభద్రుల ఎమ్మెల్సీ ఓటరు జాబితాలో తమ పేరును తప్పనిసరిగా నమోదు చేసుకోవాలని మండల కాంగ్రెస్ పార్టీ అధ్యక్షుడు చంద్రశేఖర్ సూచించారు.పట్టభద్రుల ఓటరు నమోదుకు అర్హులైన వారు ఫారం–18 ద్వారా దరఖాస్తు చేసుకోవాలని తెలిపారు. దరఖాస్తుతో పాటు డిగ్రీ ఉత్తీర్ణతకు సంబంధించిన ధ్రువపత్రాలను జతచేసి సంబంధిత అధికారులకు సమర్పించాలని సూచించారు. ప్రజాస్వామ్యంలో ఓటు హక్కు ఎంతో విలువైనదని, అర్హత ఉన్న ప్రతి పట్టభద్రుడు ఈ అవకాశాన్ని సద్వినియోగం చేసుకుని తన పేరును పట్టభద్రుల ఓటరు జాబితాలో నమోదు చేసుకోవాలని చంద్రశేఖర్ కోరారు.

రిపోర్టర్ విజయ్ కుమార్.