కళ్యాణ మండపం నిర్మాణం, భూ సమస్య పరిష్కారం కోసం వినతి

చీపురుపల్లి మేజర్ న్యూస్:

 పట్టణంలోని జి. అగ్రహారంలో కళ్యాణ మండపం నిర్మాణం కోసం, భూమి సమస్యలు శాశ్వత పరిష్కారం కోసం  శాసనసభ్యులు  కిమిడి కళా వెంకటరావుకి జి.అగ్రహారం వాసులు వినతి పత్రం అందజేశారు. గ్రామంలో పేదవారు పెళ్లిళ్ల సమయంలో వర్షాకాలం వస్తే ఇబ్బంది పడుతున్న దృశ్య గ్రామంలో సచివాలయం ఎదురుగా ఉన్న ఖాళీగా ఉన్న స్థలంలో కళ్యాణ మండపం కట్టాలని, అదేవిధంగా  గ్రామానికి చెందిన 1,190 ఎకరాలు  భూమిని సుమారు 500 కుటుంబాలు దానిమీద ఆధారపడి జీవిస్తున్న ఆరు వేల కుటుంబాలుకు చెందిన భూమి సర్వే జరుగుతున్న దృష్ట్యా భూమికి శాశ్వత పూర్తి యాజమాన్యం హక్కు కల్పించాలని, పట్టాదారు పాస్ పుస్తకాలు, వన్ బీ లు రావడానికి ప్రయత్నం చేయాలని కోరారు.  అతివృష్టి, అనావృష్టి కారణంగా పంటలు దెబ్బతిన్న రైతులకు పంట నష్టపరిహారం వచ్చేవిధంగా కృషి చేయాలని రైతులందరూ తరపున వినతి పత్రం ఇచ్చారు. ఈ విషయంలో తన వంతు ప్రయత్నం  చేస్తామని ఎమ్మెల్యే కిమిడి కళా వెంకటరావు హామీ ఇచ్చారు.