వనాలు మానవ మనుగడకు ఆధారం -వృక్షాలను దైవ స్వరూపాలు భావించాలి డా.ఎన్.సత్యనారాయణ రాజు
ఎడ్యుకేషన్ స్టాఫ్ రిపోర్టర్ : భారతీయ విద్యాభవన్ శ్రీవేంకటేశ్వర విద్యాలయంలో కార్తిక మాసాన్ని పురస్కరించుకుని కార్తిక వనారాధన కార్యక్రమాన్ని శుక్రవారం ఘనంగా నిర్వహించారు. ఈ కార్యక్రమంలో పాల్గొన్న వెంకటేశ్వర విశ్వవిద్యాలయం సంచాలకులు, కోశాధికారి డా.ఎన్.సత్యనారాయణ రాజు మాట్లాడుతూ డా. కె.ఎం.మున్షి భవిష్యత్తును ఊహించి జనాభా పెరుగుదలకు అనుగుణంగా మొక్కలు నాటాలని ఆలోచించి వనారాధన కార్యక్రమానికి శ్రీకారం చుట్టారని తెలియజేశారు. భగవద్గీతలో 15వ అధ్యాయంలో మొదటి శ్లోకం ఊర్ధ్వమూలమధఃశాఖలో వృక్షాల గురించి ఉందని తెలిపారు. వనాలు మానవ మనుగడకు ఆధారమని, మన సంస్కృతిలో వృక్షాలను దైవ స్వరూపాలుగా భావించి వాటిని పూజ చేస్తూ ఆరాధిస్తారని తెలియజేశారు. చెట్ల వలన ఎన్నో ప్రయోజనాలు ఉన్నాయని, భారతీయ విద్యా భవన్ ప్రాంగణంలో రావి, మర్రి, వేప, ఉసిరి, బిల్వం మొదలైన వృక్షాలు అనేకం ఉన్నాయని తెలియజేసి వాటికి పూజలు నిర్వహించారు. ఎనిమిదవ తరగతి విద్యార్థులచే మొక్కలకు దీపారాధన చేయించారు. తదుపరి కార్తిక వనభోజనాలు ఏర్పాటు చేశారు. భారతీయ విద్యా భవన్ కమిటీ సభ్యులు, పాఠశాల యాజమాన్యం, రామకృష్ణ మిషన్ ఆశ్రమానికి చెందిన అమర అధిపానంద స్వామి, పాఠశాల ప్రధాన ఉపాధ్యాయురాలు డి.పద్మజ, ఉప ప్రధానోపాధ్యాయురాలు, ఇతర ఉపాధ్యాయ బృందం పాల్గొన్నారు.
సీఎం గౌడ్ తిరుపతి స్టాప్ రిపోర్టర్