మాకవరపాలెం జడ్పీటీసీగా అల్లు రామనాయుడు ప్రమాణ స్వీకారం
మాకవరపాలెం, నవంబర్ 20,మేజర్ న్యూస్:
మాకవరపాలెం జడ్పీటీసీ సభ్యునిగా అల్లు రామనాయుడు శుక్రవారం ప్రమాణ స్వీకారం చేశారు. అనకాపల్లి జిల్లా పరిషత్ కార్యాలయంలో నిర్వహించిన నూతన జడ్పీటీసీ సభ్యుల ప్రమాణ స్వీకార కార్యక్రమంలో ఆయన పాల్గొన్నారు. జిల్లా కలెక్టర్ విజయకృష్ణన్ సమక్షంలో ప్రమాణం చేసి పదవీ బాధ్యతలు స్వీకరించారు. ఈ సందర్భంగా మాకవరపాలెం మండలానికి చెందిన పలువురు ప్రజాప్రతినిధులు, కూటమి నాయకులు, కార్యకర్తలు కార్యక్రమానికి హాజరై అల్లు రామనాయుడుకు అభినందనలు తెలిపారు. మండల ప్రజల ఆకాంక్షలకు అనుగుణంగా పనిచేస్తూ, స్థానిక సమస్యల పరిష్కారానికి, గ్రామాల అభివృద్ధికి కృషి చేయాలని పలువురు ఆకాంక్షించారు.