గెడ్డపాలెంలో వైఎస్సార్సీపీ సత్తా చాటిన పీవీఆర్!
భారీ ర్యాలీతో తిమ్మాపురంలో నామినేషన్ దాఖలు
ఎస్.రాయవరం, నవంబర్ 20, మేజర్ న్యూస్:
స్థానిక పంచాయతీ ఎన్నికల వేడి 'గెడ్డపాలెం'లో రాజుకుంది. వైఎస్ఆర్ కాంగ్రెస్ పార్టీ బలపరిచిన సర్పంచ్ అభ్యర్థి పినపాత్రుని వెంకటరమణ (పీవీఆర్) నామినేషన్ కార్యక్రమం శుక్రవారం పండుగ వాతావరణంలో జరిగింది.
భారీ ర్యాలీతో సందడి:
గెడ్డపాలెం గ్రామం నుంచి నామినేషన్ కేంద్రమైన తిమ్మాపురం వరకు వందలాది మంది అభిమానులు, వైఎస్ఆర్ కాంగ్రెస్ నాయకులు, కార్యకర్తలు ద్విచక్ర వాహనాలతో, నినాదాలతో భారీ ర్యాలీ నిర్వహించారు. పీవీఆర్ కు మద్దతుగా జై పీవీఆర్ అంటూ నినాదాలు చేశారు.
అభివృద్ధే నా లక్ష్యం – పీవీఆర్:
ఈ సందర్భంగా పీవీఆర్ మాట్లాడుతూ.. "గతంలో ఉప సర్పంచ్ గా గెడ్డపాలెం కోసం పనిచేశాను. గ్రామంలోని ప్రతి వీధి, ప్రతి సమస్య నాకు తెలుసు. ఇప్పుడు సర్పంచ్ గా గెలిచి గ్రామాన్ని అన్ని విధాలా అభివృద్ధి చేయడమే నా లక్ష్యం. కుల, మత, పార్టీలకు అతీతంగా అందరినీ కలుపుకొని వెళ్తాను" అని అన్నారు.
ప్రజలంతా ఆలోచించి, అభివృద్ధిని కాంక్షించే వ్యక్తికి తమ అమూల్యమైన ఓటు వేసి ఆశీర్వదించాలని ఆయన కోరారు.
ఈ నామినేషన్ కార్యక్రమంలో వైఎస్ఆర్ కాంగ్రెస్ పార్టీ సీనియర్ నాయకులు బద్ది వరహాలబాబు, బత్తుల బాబ్జి, కర్రి రమణ, గెడ్డపాలెం వైఎస్ఆర్ కాంగ్రెస్ సోషల్ మీడియా కార్యదర్శి కర్రి దొరబాబు, యువ నాయకులు, మహిళా కార్యకర్తలు పెద్ద సంఖ్యలో పాల్గొన్నారు.