వైసిపి చైర్ పర్సన్ అభ్యర్థిగా బొడ్డేపల్లి అజంతకుమారి నామినేషన్
ఆమదాలవలస, నవంబర్ 16, మేజర్ న్యూస్
ఆమదాలవలస మున్సిపల్ ఎన్నికల నేపథ్యంలో వైయస్సార్ కాంగ్రెస్ పార్టీ నుంచి చైర్ పర్సన్ అభ్యర్థిగా బొడ్డేపల్లి అజంతకుమారి సోమవారం నామినేషన్ వేశారు. నియోజకవర్గ ఇన్చార్జ్ చింతాడ రవికుమార్, వైసిపి రాష్ట్ర సంయుక్త కార్యదర్శి బొడ్డేపల్లి రమేష్ ఆధ్వర్యంలో నామినేషన్ పత్రాలను అధికారులకు అందజేశారు. మున్సిపల్ ఎన్నికల్లో ఫ్యాన్ గుర్తుకు ఓటు వేసి చైర్ పర్సన్ గా అత్యధిక మెజార్టీతో గెలిపించాలని ఈ సందర్భంగా అభ్యర్థి అజంత కుమారి ఓటర్లను కోరారు. 28 వార్డుల్లో వైసిపి బలపరిచిన కౌన్సిలర్ అభ్యర్థులను గెలిపించాలని కోరారు. వైసీపీ హయాంలో పట్టణం ఎంతో అభివృద్ధి చెందిందని, మరలా పట్టణాన్ని సుందరంగా తీర్చిదిద్దేందుకు ఒక అవకాశం కల్పించాలని ఓటర్లను కోరారు. వైసీపీకి ప్రజాధరణ ఉందని, ఎన్నికల్లో విజయం సాధిస్తామని ధీమా వ్యక్తం చేశారు.