వైసీపీ మేయర్ అభ్యర్థి రమేష్ గౌడ్‌కు సూఫీ ఖాజా హుస్సేన్ మద్దతు స్వయంగా కలిసి మద్దతు కోరిన బీసీ రమేష్ గౌడ్
అనంతపురం బ్యూరో (అనంతపురం బ్యూరో, మేజర్ న్యూస్) : అనంతపురం నగర మేయర్ ఎన్నికల నేపథ్యంలో రాజకీయ సమీకరణాలు ఆసక్తికరంగా మారుతున్నాయి. ఈ క్రమంలో వైఎస్సార్ కాంగ్రెస్ పార్టీ మేయర్ అభ్యర్థి బీసీ రమేష్ గౌడ్, సీపీఐ నాయకుడు సూఫీ ఖాజా హుస్సేన్‌ను స్వయంగా కలిసి తనకు మద్దతు ఇవ్వాలని విజ్ఞప్తి చేశారు.
రాబోయే మేయర్ ఎన్నికల్లో తనకు సంపూర్ణ మద్దతు అందించి, విజయానికి సహకరించాలని రమేష్ గౌడ్ కోరారు. ఈ సందర్భంగా స్పందించిన సూఫీ ఖాజా హుస్సేన్.. బీసీ రమేష్ గౌడ్‌కు తన వ్యక్తిగత మద్దతు ఉంటుందని స్పష్టం చేశారు.
ఇరువురి మధ్య జరిగిన ఈ భేటీ పరస్పర మర్యాదలు, సత్సంబంధాలకు నిదర్శనంగా నిలిచింది. మేయర్ ఎన్నికల ప్రచారం ఊపందుకుంటున్న తరుణంలో వివిధ నాయకులను కలుస్తూ మద్దతు కూడగట్టేందుకు రమేష్ గౌడ్ ప్రయత్నిస్తున్నారు.
నగర మేయర్ పీఠాన్ని దక్కించుకోవడమే లక్ష్యంగా వైసీపీ అభ్యర్థి ముందుకు సాగుతున్న నేపథ్యంలో, సూఫీ ఖాజా హుస్సేన్ వ్యక్తిగత మద్దతు ప్రకటన ప్రాధాన్యత సంతరించుకుంది.
రిపోర్టర్ : మొయినుద్దీన్, అనంతపురం బ్యూరో, అనంతపురం.
