రెండో, రోడ్డు లో స్వతంత్ర మేయర్ అభ్యర్థి టోపీ వెంకటేష్ వాల్మీకి ప్రచార హోరు.. ఉంగరం గుర్తుకు ఓటేయాలని నగర ప్రజలకు విజ్ఞప్తి.. భారీ జనసందోహం మధ్య ప్రచారం..
(అనంతపురము, కార్పొరేషన్ మేజర్ న్యూస్:)
అనంతపురం నగరపాలక సంస్థ ఎన్నికల నేపథ్యంలో స్వతంత్ర మేయర్ అభ్యర్థి టోపీ వెంకటేష్ వాల్మీకి తన ప్రచారాన్ని మరింత ముమ్మరం చేశారు. నగరంలోని రెండో రోడ్డు, మూడో రోడ్డు ప్రాంతాల్లో ఆయన విస్తృతంగా పర్యటిస్తూ ఓటర్లను నేరుగా కలుసుకుని తనకు మద్దతు తెలపాలని అభ్యర్థించారు.
ఎన్నికల ప్రచారంలో భాగంగా ప్రతి ప్రాంతంలో ప్రజలను పలకరిస్తూ, వారి ఆదరాభిమానాలు కోరుతూ ముందుకు సాగుతున్నారు. తన ఎన్నికల గుర్తు ఉంగరంను ప్రజలకు పరిచయం చేస్తూ, ఉంగరం గుర్తుపై ఓటు వేసి తనను గెలిపించాలని విజ్ఞప్తి చేస్తున్నారు.
టోపీ వెంకటేష్ వాల్మీకి ప్రచారానికి ఆయన అభిమానులు, మద్దతుదారులు పెద్ద సంఖ్యలో తరలిరావడంతో రెండో, మూడో రోడ్లలో సందడి నెలకొంది. భారీ జనసందోహం మధ్య సాగిన ప్రచారంతో ఆయా ప్రాంతాల్లో ఎన్నికల వాతావరణం మరింత వేడెక్కింది. ప్రజలను నేరుగా కలుసుకుంటూ తనకు ఒక అవకాశం కల్పించాలని ఆయన కోరుతున్నారు.
స్వతంత్ర అభ్యర్థిగా మేయర్ పదవికి పోటీ చేస్తున్న టోపీ వెంకటేష్ వాల్మీకి నగరంలోని వివిధ ప్రాంతాల్లో పర్యటిస్తూ తన ప్రచారాన్ని కొనసాగిస్తున్నారు. ఎన్నికల సమయం సమీపిస్తున్న నేపథ్యంలో అభ్యర్థుల ప్రచారాలు ఊపందుకోవడంతో అనంతపురం నగరంలో రాజకీయ సందడి నెలకొంది.
