ప్రశాంత వాతావరణంలో ఎన్నికల ప్రక్రియ

పటిష్ట బందోబస్తు ఏర్పాటు చేసిన ఎస్‌ఐ శ్రీనివాసులు

గుడుపల్లి: మండలంలో ఎన్నికల ప్రక్రియ ప్రశాంత వాతావరణంలో కొనసాగుతోంది. ఎలాంటి అవాంఛనీయ సంఘటనలకు తావులేకుండా ఎస్‌ఐ డి. శ్రీనివాసులు పటిష్ట పోలీసు బందోబస్తు ఏర్పాటు చేశారు. ఎన్నికల ప్రక్రియ సజావుగా సాగేందుకు పోలీసు సిబ్బందితో నిరంతరం పర్యవేక్షణ చేపడుతున్నారు.

ఈ సందర్భంగా ఎస్‌ఐ శ్రీనివాసులు మాట్లాడుతూ, ఎన్నికల సమయంలో ప్రతి ఒక్కరూ చట్టాన్ని గౌరవించాలని, శాంతిభద్రతలకు విఘాతం కలిగించే చర్యలకు పాల్పడకూడదని సూచించారు. అధికార, ప్రతిపక్ష పార్టీల నాయకులు, కార్యకర్తలు ఎన్నికల నియమావళిని పాటిస్తూ పోలీసులకు సహకరించాలని కోరారు. ప్రజాస్వామ్యబద్ధంగా ఎన్నికలు ప్రశాంతంగా జరిగేలా ప్రతి ఒక్కరూ బాధ్యతగా వ్యవహరించాలని ఆయన విజ్ఞప్తి చేశారు.