ఈవీఎం గోదాములు పరిశీలించిన జిల్లా కలెక్టర్

అనంతపురం మేజర్ న్యూస్ ప్రతినిధి  :- భారత ఎన్నికల సంఘం ఆదేశాల మేరకు నిర్వహిస్తున్న ప్రతినెల తనిఖీల్లో భాగంగా స్థానిక క్లాక్ టవర్ సమీపంలో ఉన్న పాత ఆర్ డి ఓ కార్యాలయం ప్రక్కన ఏర్పాటుచేసిన ఈవీఎం గోదాములను శనివారం ఉదయం జిల్లా కలెక్టర్  ఓ. ఆనంద్ ప్రత్యక్షంగా పరిశీలించారు. ఈ సందర్భంగా  అసిస్టెంట్ కలెక్టర్ సుయాష్ కుమార్, జిల్లా రెవెన్యూ అధికారి మాలోల తో కలిసి గోదాముల డోర్ లాక్ సీళ్ళ స్థితిని తనిఖీ చేసి ప్రస్తుతం ఈవీఎంల రక్షణ చర్యలు, భద్రతప్రమాణాలు ఈసీ మార్గదర్శకాల ప్రకారం అమలవుతున్నాయా అనే అంశాలపై అధికారులతో అడిగి తెలుసుకున్నారు. అనంతరం జిల్లా కలెక్టర్ మాట్లాడుతూ గోదాముల వద్ద విధులు నిర్వహిస్తున్న పోలీసుసిబ్బందిఎల్లప్పుడూ అప్రమత్తంగా ఉండాలని ఆదేశిస్తూ పోలీసు లాక్ బుక్ ను పరిశీలించారు. అలాగే సీసీటీవీ పర్యవేక్షణ వ్యవస్థ పనితీరును, నిరంతర విద్యుత్ సరఫరా కొనసాగింపు, అగ్నిమాపక పరికరాల అందుబాటుపై ఆరా తీశారు. ఈ కార్యక్రమంలో స్పెషల్ డిప్యూటీ కలెక్టర్ ఆనంద్, ఎన్నికల విభాగం డిప్యూటీ తహసిల్దార్ కనకరాజు సీనియర్ అసిస్టెంట్ శామ్యూల్ బెంజ్ మెన్ తదితరులు పాల్గొన్నారు. 

 మల్లికార్జున నేటి దినపత్రిక సూర్య స్టాఫ్ రిపోర్టర్..