శని త్రయోదశి సందర్భంగా శనీశ్వరుడికి విశేష అభిషేకాలు

అనంతపురం ప్రతినిధి మేజర్ న్యూస్ :- అనంతపురం నగరంలోని మొదటి రోడ్డు శ్రీ కాశీ విశ్వేశ్వర కోదండ రామాలయంలో శని త్రయోదశిని పురస్కరించుకుని శనివారం శనీశ్వరుడికి విశేష పూజలు నిర్వహించారు. ఈ సందర్భంగా స్వామివారికి నువ్వుల నూనెతో అభిషేకం చేయడంతో పాటు భక్తుల భాగస్వామ్యంతో పంచామృత అభిషేకం నిర్వహించారు. ఈ ప్రత్యేక అభిషేక కార్యక్రమంలో భక్తులు పెద్ద ఎత్తున పాల్గొని శనీశ్వరుడిని దర్శించుకుని పూజలు చేశారు. ఆలయానికి విచ్చేసిన భక్తులకు ఎలాంటి అసౌకర్యం కలగకుండా ఆలయ చైర్మన్ అమిలినేమి నరేంద్ర చౌదరి, ఆలయ కమిటీ సభ్యులు సేవలందించారు. భక్తులకు అవసరమైన ఏర్పాట్లను పర్యవేక్షిస్తూ అభిషేక కార్యక్రమం సజావుగా జరిగేలా సహకరించారు.

 మల్లికార్జున నేటి దినపత్రిక సూర్య స్టాఫ్ రిపోర్టర్..