వైఎస్సార్‌సీపీ ZPTC అభ్యర్థి భర్త లక్ష్మారెడ్డిపై దాడి
నరసరావుపేట/పిడుగురాళ్ల:పల్నాడు జిల్లాలో ఎన్నికల వేడి ఒక్కసారిగా రగిలింది. పిడుగురాళ్ల వైఎస్సార్‌సీపీ జెడ్‌పిటిసి అభ్యర్థి భారతి భర్త లక్ష్మారెడ్డిపై ప్రత్యర్థులు దారుణ దాడికి తెగబడ్డారు. నరసరావుపేట ఆర్‌డీవో (RDO) కార్యాలయం వద్ద నామినేషన్ దాఖలు చేసేందుకు వచ్చిన సమయంలో ఈ దారుణం చోటుచేసుకుంది.
నామినేషన్ల ప్రక్రియలో భాగంగా లక్ష్మారెడ్డి ఆర్‌డీవో కార్యాలయానికి చేరుకోగా, ఒక్కసారిగా ఆయనపై దాడికి పాల్పడటంతో అక్కడున్న వారంతా తీవ్ర తీవ్ర భయాందోళనకు గురయ్యారు. ఈ ఘటనలో లక్ష్మారెడ్డికి తీవ్ర గాయాలవ్వడంతో వెంటనే స్పందించిన స్థానికులు, వైఎస్సార్‌సీపీ శ్రేణులు ఆయనను చికిత్స నిమిత్తం సమీప ఆస్పత్రికి తరలించారు. ఆర్‌డీవో ఆఫీస్ సమీపంలోనే ఈ దాడి జరగడంతో అక్కడ తీవ్ర ఉద్రిక్త వాతావరణం నెలకొంది. నిందితులపై కఠిన చర్యలు తీసుకోవాలని వైఎస్సార్‌సీపీ నాయకులు డిమాండ్ చేస్తున్నారు.
