వాకర్స్ ఆరోగ్య పరిరక్షణకు కిమ్స్ ఉచిత వైద్య శిబిరం....
వాకర్స్ ఆరోగ్య పరిరక్షణకు కిమ్స్ ఉచిత వైద్య శిబిరం....
ప్రజల ఆరోగ్యమే లక్ష్యంగా వైద్య సేవలు.... కిమ్స్ ఫౌండర్ అండ్ చైర్మన్ చైతన్య రాజు....
అమలాపురం మేజర్ న్యూస్ ప్రజల్లో ఆరోగ్య పరిరక్షణపై అవగాహన పెంపొందించడంతో పాటు, నిత్యం నడకను అలవాటుగా చేసుకున్న వాకర్స్కు వైద్య సేవలు అందించాలనే లక్ష్యంతో కిమ్స్ సూపర్ స్పెషాలిటీ హాస్పిటల్, మెడ్ యునైటెడ్ ఆధ్వర్యంలో శుక్రవారం ఉదయం ఎస్కేబీఆర్ కళాశాల గ్రౌండ్స్లో ఉచిత వైద్య శిబిరం నిర్వహించారు. ఉదయం 6 గంటలకు కిమ్స్ ఫౌండర్ అండ్ చైర్మన్, చైతన్య గ్రూప్ అధినేత కె.వి.వి. సత్యనారాయణ రాజు (చైతన్య రాజు) శిబిరాన్ని ప్రారంభించారు. ఈ సందర్భంగా ఆయన మాట్లాడుతూ ప్రస్తుత జీవనశైలిలో ఆరోగ్య పరిరక్షణకు నిత్య వ్యాయామం, నడక ఎంతో అవసరమని, రోజుకు కనీసం 30 నిమిషాల పాటు నడవడం వల్ల గుండె ఆరోగ్యం మెరుగుపడటంతో పాటు రక్తపోటు, రక్తంలో చక్కెర స్థాయిల నియంత్రణకు దోహదపడుతుందని తెలిపారు. మానసిక ఒత్తిడిని తగ్గించడంలోనూ నడక కీలక పాత్ర పోషిస్తుందని పేర్కొన్నారు. ఈ శిబిరంలో కిమ్స్, మెడ్ యునైటెడ్ వైద్య బృందాలు వాకర్స్కు రక్తంలో చక్కెర స్థాయిల పరీక్షలు, బీపీ, ఈసీజీతో పాటు పలు ప్రాథమిక ఆరోగ్య పరీక్షలను ఉచితంగా నిర్వహించాయి. జనరల్ ఫిజీషియన్లు, కార్డియాలజీ వైద్యులు అందుబాటులో ఉండి అవసరమైన వైద్య సలహాలు, ఆరోగ్య సూచనలు అందించారు. ప్రజల ఆరోగ్యమే లక్ష్యంగా ఇటువంటి వైద్య సేవలను అందించడం అభినందనీయమని పలువురు పేర్కొన్నారు. ఈ కార్యక్రమంలో జవ్వాది తాతబాబు, డాక్టర్ వై.వి. నరసింహారావు, శిష్టా శర్మ, మున్సిపల్ కౌన్సిలర్లు గొవ్వాల రాజేష్, గంటి వి.ఎల్.ఎన్.శర్మ (అబ్బీస్), మోకా వెంకట సుబ్బారావు, పలువురు వాకర్స్ పాల్గొన్నారు. రంబాల సత్యనారాయణ్అ మలాపురం