ఉపాధ్యాయురాలి మెడలో బంగారు గొలుసు చోరీ
గుంటూరు : స్థానిక పట్టాభిపురం పరిధిలోని విజయపురి కాలనీలో పట్టపగలే చైన్ స్నాచింగ్ ఘటన చోటు చేసుకొంది. ఓ స్కూల్లో ఉపాధ్యాయురాలిగా పని చేస్తున్న ప్రమీల జోషి (50) మంగళవారం సాయంత్రం ఇంటికి నడుచుకుంటూ వెళ్తుండగా, హెల్మెట్ ధరించి బైక్పై వచ్చిన గుర్తు తెలియని వ్యక్తి ఆమె మెడలోని 3 సవర్ల బంగారు గొలుసును లాక్కొని పరారయ్యాడు. బాధితురాలు గొలుసును గట్టిగా పట్టుకోవడంతో కొంత భాగం ఆమె చేతిలో మిగిలింది. పోలీసులు తెలిపిన వివరాల మేరకు ప్రమీల జోషి విజయపురి కాలనీ మెయిన్ రోడ్ లో దిగి తన ఇంటికి నడుచుకుంటూ వెళ్తుండగా హెల్మెట్ ధరించి మోటార్ వెహికల్ పై వచ్చిన గుర్తు తెలియని వ్యక్తి ఆమె మెడలోని మూడు సవర్ల బంగారు గొలుసులు లాక్కొని పరారయ్యాడని పట్టాభిపురం సిఐ గంగా వెంకటేశ్వర్లు పేర్కొన్నారు. బాధితురాలు గొలుసును గట్టిగా పట్టుకోవడంతో కొంత భాగం ఆమె చేతిలో ఉండిపోగా మిగిలిన భాగాన్ని నిందితుడు లాక్కొని వెళ్లిపోయాడని, బాధితురాలు కేకలు వేయడంతో సమీపం లో ఉన్న నివాసి రాధా బయటికి వచ్చి ఆమెతో కలిసి నిందితుడిని వెంటబడినప్పటికీ పట్టుకోలేకపోయారని సీఐ తెలిపారు. బాధితురాలు ఇచ్చిన ఫిర్యాదు మేరకు కేసు నమోదు చేసినట్ల సీఐ గంగా వెంకటేశ్వర్లు తెలిపారు.
కే నాగరాజు గుంటూరు క్రైమ్