విద్యార్థులకు గ్రంథాలయ ప్రాముఖ్యతపై అవగాహన : కురబలకోట గ్రంధాలయ అధికారి బి.చంద్రశేఖర్ నాయక్ వెల్లడి
కురబలకోట,మేజర్ న్యూస్ : 59వ జాతీయ గ్రంథాలయ వారోత్సవాల్లో భాగంగా బుధవారం కురుబలకోట శాఖ గ్రంథాలయం ఆధ్వర్యంలో స్థానిక జడ్పీ హైస్కూల్లో విద్యార్థులకు గ్రంథాలయాల ప్రాముఖ్యత,ఉపయోగాలపై అవగాహన కార్యక్రమం నిర్వహించారు.ఈ కార్యక్రమానికి శాఖ గ్రంథాలయ అధికారి బి.చంద్రశేఖర్ అధ్యక్షత వహించి విద్యార్థులకు గ్రంథాలయాల వల్ల కలిగే ప్రయోజనాలను వివరించారు.పుస్తక పఠనం ద్వారా జ్ఞానం,విజ్ఞానం పెంపొందించుకోవడంతోపాటు,విద్యార్థులు తమ అభ్యసన సామర్థ్యాన్ని,ఆలోచనా శక్తిని మెరుగుపరుచుకోవచ్చని తెలిపారు.గ్రంథాలయాలు విద్యార్థులకు వివిధ అంశాలపై అవగాహన కల్పించే విజ్ఞాన కేంద్రాలుగా ఉపయోగపడతాయని పేర్కొన్నారు.అదేవిధంగా మహిళల ప్రాముఖ్యత,మహిళల అభివృద్ధి,సమాజంలో మహిళల పాత్ర వంటి అంశాల గురించి కూడా విద్యార్థులకు వివరించారు.ప్రతి విద్యార్థి పుస్తక పఠనాన్ని అలవాటు చేసుకొని,గ్రంథాలయ సేవలను సద్వినియోగం చేసుకోవాలని సూచించారు.ఈ కార్యక్రమంలో జడ్పీ హైస్కూల్ ఉపాధ్యాయులు ఎం.నాగమణి,కె.జనార్దన్తో పాటు పాఠశాల విద్యార్థులు పాల్గొన్నారు.
రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి