తిరుపతి కపిలేశ్వరాలయంలో శ్రీ దక్షిణామూర్తి హోమం
తిరుపతి కపిలేశ్వరాలయంలో శ్రీ దక్షిణామూర్తి హోమం
*వేదమంత్రోచ్ఛారణల నడుమ పూర్ణాహుతి, విశేష కలశాభిషేకం
తిరుపతి బ్యూరో, మేజర్ న్యూస్: తిరుపతిలోని శ్రీ కపిలేశ్వరస్వామివారి ఆలయంలో నెల రోజుల పాటు నిర్వహిస్తున్న కార్తీక మాస హోమ మహోత్సవాల్లో భాగంగా సోమవారం శ్రీ దక్షిణామూర్తి హోమం శాస్త్రోక్తంగా, భక్తిశ్రద్ధలతో నిర్వహించారు.
ఈ సందర్భంగా సోమవారం ఉదయం 9 నుంచి మధ్యాహ్నం 12 గంటల వరకు యాగశాలలో విశేష పూజలు, దక్షిణామూర్తి హోమం, పూర్ణాహుతి, కలశ ఉద్వాసన నిర్వహించారు. అనంతరం మహాశాంతి అభిషేకం, శ్రీ దక్షిణామూర్తి కలశాభిషేకం వైభవంగా చేపట్టారు. సాయంత్రం 6 గంటలకు శ్రీ కాలభైరవస్వామివారి కలశస్థాపన, విశేష దీపారాధన నిర్వహించారు.
నేడు శ్రీ కాలభైరవస్వామివారి హోమం
-----------
నేడు శ్రీ కాలభైరవస్వామివారి హోమం నిర్వహించనున్నారు. గృహస్తులు రూ.500 చెల్లించి ఒకరోజు హోమంలో పాల్గొనవచ్చు. పాల్గొనే గృహస్తులకు ఒక ఉత్తరీయం, ఒక రవికెతో పాటు అన్నప్రసాదం అందజేస్తారు.
ఈ కార్యక్రమంలో ఆలయ డెప్యూటీ ఈవో నాగరత్న, ఏఈవో కుమారి దేవి, సూపరింటెండెంట్ చంద్రశేఖర్, ఆలయ అర్చకులు, పెద్ద సంఖ్యలో భక్తులు పాల్గొన్నారు.
Raaju బ్యూరో, తిరుపతి జిల్లా,